Litoŭskija deputaty źviarnulisia da prezidenta i ŭrada, kab Ofis Cichanoŭskaj zastaŭsia ŭ Litvie
Deputaty litoŭskaha Siejma zviarnulisia da administracyi prezidenta krainy i ŭrada z prośbaj znajści rašeńni, «jakija zabiaśpiečać praciah pracy ŭ Vilni Ofisa Śviatłany Cichanoŭskaj».
«My pryniali zajavu, u jakoj jašče raz paćvierdzili padtrymku ŭsim biełaruskim apazicyjnym siłam, padkreślili zacikaŭlenaść Litvy ŭ zachavańni Ofisa Śviatłany Cichanoŭskaj. Uziali na siabie abaviazacielstva sieści za stoł pieramoŭ z apazicyjnymi siłami dla stvareńnia novaj stratehii pa pytańniach Biełarusi», — paviedamiŭ kiraŭnik siejmavaj hrupy siabroŭstva z demakratyčnymi siłami Biełarusi Rusłanas Baranavas.
U zajavie adznačajecca, što ŭ nacyjanalnych intaresach Litvy — svaboda i demakratyja ŭ Biełarusi, zbližeńnie krainy ź Jeŭrapiejskim Sajuzam i vyvad ź jaje terytoryi rasijskich vojskaŭ.
Pry hetym źviartajecca ŭvaha, što «dziakujučy dziejnaści Ofisa Śviatłany Cichanoŭskaj u Vilni ŭzmacniłasia «miakkaja siła» Litoŭskaj Respubliki, a jaje stalica stała miescam, dzie palityki i ekśpierty inšych dziaržaŭ padtrymlivajuć suviazi z demakratyčnaj supolnaściu Biełarusi i kaardynujuć jeŭrapiejskuju i transatłantyčnuju palityku adnosna Biełarusi».
Taksama padkreślivajecca, što značnaja častka finansavaj padtrymki, jakuju biełaruskija demakratyčnyja arhanizacyi atrymlivajuć ad Jeŭrasajuza i asobnych krain, prachodzić praz arhanizacyi, zarehistravanyja ŭ Litvie, jakija płaciać padatki ŭ biudžet Litoŭskaj Respubliki. Taksama ŭ Litvie žyvie kala 50 tysiač hramadzian Biełarusi, častka ź jakich pracuje i stvaraje biznes u siektarach z vysokaj dadanaj vartaściu.
U suviazi z hetym deputaty prosiać prezidenta Litvy Hitanasa Naŭsiedu i ŭrad Litvy:
- znajści rašeńnie, jakoje dazvolić Ofisu Śviatłany Cichanoŭskaj dalej pracavać u Litvie;
- raspracavać novuju stratehiju adnosin ź biełaruskimi demakratyčnymi siłami i pradstavić jaje na razhlad siejmavaha kamiteta pa zamiežnych spravach;
- zaprasić pradstaŭnikoŭ Siejma i kamiteta pa zamiežnych spravach da adkrytaj dyskusii adnosna padtrymki biełaruskaj demakratyčnaj apazicyi.
Člen Siejma Litvy: Ciapier rychtujecca jašče adna apieracyja pa vyzvaleńni biełaruskich palitviaźniaŭ
«Zaraz jaje budzie achoŭvać Siaroža». Boty atrymali novuju mietadyčku pra Cichanoŭskuju
Ofis Cichanoŭskaj sapraŭdy razhladaje pierajezd u inšuju krainu. Najpierš — u Polšču
Naŭsieda: Situacyju z achovaj Cichanoŭskaj zanadta dramatyzujuć
«Ciapier vy bačycie, da čaho pryvodziać takija pamyłki». The Washington Post apublikavała vialiki materyjał pra Cichanoŭskich
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
[Zredahavana]
[Zredahavana]
Pišecia iščo!