Byłoj palitźniavolenaj Asi Bułybiency sabrali 12 tysiač jeŭra dapamohi za sutki
Asia Bułybienka trapiła ŭ psichijatryčnuju balnicu ŭ Litvie z depresijaj, anareksijaj i PTSR i źviarnułasia pa dapamohu, kab apłacić lačeńnie i pakryć doŭh pa strachoŭcy. Ludzi adhuknulisia i vielmi chutka sabrali na jaje patreby 12 tysiač jeŭra.
«Vy sabrali hrošy dla Asi Bułybienki — i hetym pa-sapraŭdnamu vyratavali čałavieka. My hłyboka kranutyja vašaj spahadlivaściu i tym, što dla vas, jak i dla nas, samaje važnaje — zdaroŭje i žyćcio čałavieka. Kali Asia źviarnułasia pa dapamohu, my nie zmahli prajści mima. My nie źjaŭlajemsia dziejnym fondam, ale dziakujučy vielizarnaj uciahnutaści biełarusaŭ, vałancioraŭ, žurnalistaŭ, dyjaspary Kipra i prosta nieabyjakavych ludziej Asi ŭdałosia zakryć doŭh pa strachoŭcy», — napisaŭ telehram-kanał «Rozovyje kosynki», jaki raźmiaściŭ abjavu ab dapamozie.
Ciapier 24‑hadovaja Asia Bułybienka ŭ 2020 hodzie ŭdzielničała ŭ pratestach u Biełarusi. Jaje čatyry razy zatrymlivali, a paśla źniavolili pa kryminalnym artykule na dva hady. Paśla vyzvaleńnia z kałonii Asiu nieŭzabavie znoŭ aryštavali na 30 sutak, paśla čaho jana vyjechała ź Biełarusi ŭ Litvu.
Apiačatali kvateru byłoj palitźniavolenaj pa spravie studentaŭ Nastaśsi Bułybienki
Eks-palitźniavolenaja Asia Bułybienka apublikavała fota z knihaj Remarka — za hetym chavajecca kranalnaja historyja
«Cerbier vialikim nažom razrazaje mnie tvar». Studentka Asia Bułybienka — pra samaje ciažkaje źniavoleńnie paśla źniavoleńnia, sprobu suicydu i viartańnie da žyćcia
Kamientary