Kiraŭnicu adździeła prodažaŭ sietki kramaŭ OMA asudzili za «sadziejničańnie ekstremisckaj dziejnaści»
Maryna Kulašova pracavała mieniedžaram i ajcišnicaj-teściroŭščycaj. Ale jaje zatrymali i asudzili — mahčyma, jana trapiła pad abłavu pa spravie Hajuna.
Marynie Kulašovaj 42 hady. Jana minčanka. Paśla škoły skončyła Biełaruski dziaržaŭny ekanamičny ŭniviersitet pa śpiecyjalnaści «Mieniedžmient. Dziaržaŭnaje i municypalnaje kiravańnie».
Maryna doŭhi čas pracavała ŭ prodažach i ŭ mieniedžmiencie. Z 2007 pa 2015 hady Kulašova była načalnikam adździeła ŭ «Biełstali» — heta biznes, jaki vyrablaje techničnaje abstalavańnie i rečy sa škła i mietału. Paśla stała kiraŭnikom adździeła ŭ kampanii, jakija zajmajecca impartam budaŭničnych materyjałaŭ. Z 2017 hoda kiravała adździełam prodažaŭ u kampanii «Arcizan», jakaja robić vyraby sa škła. A z 2018 pa 2022 była mieniedžaram u kampanii «Deka Plus», dzie kiravała bujnymi prajektami, uklučajučy zapusk sałona-kramy i budaŭnictva vytvorča-składskich kompleksaŭ.
Paśla Kulašova vyrašyła ŭvajści ŭ IT-śfieru i prajšła prafiesijnaje navučańnie pa funkcyjanalnym teściravańni. Z kastryčnika 2022 pa sakavik 2023 hoda jana pracavała teściroŭščycaj u kampanii a1qa.
Ale ŭ krasaviku 2023 hoda Maryna viarnułasia da śfiery prodažaŭ i kiravańnia na pasadu kiraŭnika adździeła prodažaŭ u kampanii «OMA», jakaja kiruje sietkaj adnajmiennych kramaŭ u Minsku.
Marynu Kulašovu asudzili ŭ 2025 hodzie pa abvinavačańni ŭ «sadziejničańni ekstremisckaj dziejnaści». Pa časie jaje pieraśled supadaje z chvalaj asudžanych pa spravie Hajuna, ale dakładnaja sutnaść abvinavačańniaŭ nieviadomaja.
Marynie prysudzili chatniuju chimiju.
«Naša Niva» — bastyjon biełaruščyny
PADTRYMAĆSprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP17
Kamientary