Spartsmienka z Baranavič Maryja Žodzik stała najlepšaj lohkaatletkaj hoda Polščy
Vice-čempijonka śvietu ŭ skačkach u vyšyniu Maryja Žodzik była abrana najlepšaj polskaj lohkaatletkaj hoda padčas Hała-viečara «Łaŭry Karalevy sportu».
28‑hadovaja Maryja Žodzik z Baranavičaŭ pryniesła Polščy adziny miedal lohkaatletyčnaha čempijanatu śvietu ŭ Tokia. Jaje pieramoha stała siensacyjaj.
Tady Žodzik, asabisty rekord jakoj składaŭ 198 santymietraŭ, uziała 2 mietry. Maksimalna dramatyčna, z treciaj sproby.
Maryja Žodzik naradziłasia ŭ Baranavičach. U 2020 hodzie padpisała list spartsmienaŭ suprać falsifikacyi vybaraŭ i milicejskaha hvałtu. A ŭ 2022 hodzie ŭ instahramie apublikavała post z asudžeńniem rasijskaj ahresii suprać Ukrainy. U tym ža hodzie Maryja pierabrałasia ŭ Polšču.
Pieršy čas joj davodziłasia pracavać u «Makdonaldsie» i treniravacca samastojna. Ale potym jana znajšła miascovaha treniera, uładkavałasia ŭ spartovy kłub u Biełastoku, atrymała hramadzianstva i prabiłasia ŭ zbornuju Polščy. A ciapier stała srebnaj miedalistkaj čempijanatu śvietu.
«Usio, čaho ja chacieła dasiahnuć u žyćci, ja zrabiła ŭ Polščy». Lehkaatletka Žodzik raskazała pra Biełaruś, pieramohu i svoj hanarar
Biełaruska Maryja Žodzik pryniesła Polščy adziny miedal na čempijanacie śvietu pa lohkaj atletycy — srebra
Biełaruska, jakaja asudziła represii i rasijskuju ahresiju, stała miedalistkaj prestyžnych lohkaatletyčnych spabornictvaŭ
Kamientary