Zialenski: Hatovyja vieści pieramovy dzie zaŭhodna, tolki nie ŭ Rasii i dakładna nie ŭ Biełarusi
Ukraina hatovaja da mirnych pieramoŭ, ale nie źbirajecca vyvodzić svaje vojski z dadatkovych terytoryj, jak taho patrabuje Maskva, paviedamiŭ prezident Ukrainy Uładzimir Zialenski. U kamientarach dla žurnalistaŭ, apublikavanych u aŭtorak, jon adznačyŭ, što hatovy pravodzić pieramovy ŭ lubym miescy, akramia Rasii i terytoryi jaje blizkaha sajuźnika — Biełarusi, piša Reuters.
«Absalutna vidavočna, što my padychodzim da dypłamatyi tolki z tych pazicyj, dzie znachodzimsia ciapier. My nie zrobim ni kroku nazad i nie pakiniem nivodnuju častku našaj dziaržavy, — skazaŭ Zialenski. —I važna, što amierykanski bok urešcie zrabiŭ heta publičnym sihnałam: prezident Tramp vystupiŭ z takoj zajavaj».
Prezident Ukrainy taksama adznačyŭ, što hatovy ŭdzielničać u pieramovach, u tym liku ŭ Vienhryi, niahledziačy na roznahałośsi z premjer-ministram hetaj krainy Viktaram Orbanam, jaki, pa słovach Zialenskaha, «błakuje ŭsio, što tyčycca Ukrainy».
«Kali budzie vynik — dyk Boža błahasłavi, chaj pieramovy adbuducca dzie zaŭhodna, — skazaŭ jon. — Amal niama roźnicy, tolki nie ŭ Rasii, viadoma, i dakładna nie ŭ Biełarusi».
Zialenski taksama zaklikaŭ zakanadaŭcaŭ ZŠA pryniać bolš žorstkija miery suprać Rasii paśla taho, jak Tramp uvioŭ sankcyi suprać dźviuch najbujniejšych naftavych kampanij krainy.
Pavodle słoŭ prezidenta Ukrainy, joj spatrebicca stabilnaje finansavańnie ad jeŭrapiejskich sajuźnikaŭ jašče na dva-try hady.
Zialenski: Nijakich terytaryjalnych sastupak
Bielhija zabłakavała nadańnie Ukrainie €140 miljardaŭ reparacyjnaha kredytu za košt aktyvaŭ RF
Tramp adkazaŭ Pucinu na vychvalańnie rakietaj «Buravieśnik»
Tramp adkazaŭ, kali sustreniecca z Pucinym
Tramp spadziajecca na dapamohu Kitaja dla zakančeńnia vajny va Ukrainie
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary