Adkryćcio pierachodaŭ Polščy ź Biełaruśsiu adkładziena na niekalki tydniaŭ
Adkryćcio dvuch pierachodaŭ na miažy Polščy i Biełarusi adkładziena na niekalki tydniaŭ. Pra heta zajaviŭ u efiry prahramy «Sihnały dnia» polskaha radyjo ministr unutranych spraŭ i administracyi Polščy Marcin Kierviński, paviedamlaje Reform.news.
«Za apošnija dva hady ŭrad Donalda Tuska zdoleŭ mocna ŭmacavać miažu, i praces nielehalnaj mihracyi na polska-biełaruskaj miažy ŭziaty pad kantrol. Heta, pa-pieršaje. Pa-druhoje, u nas adkryty pamiežnyja pierachody ź Biełaruśsiu, ale ŭ Lublinskim vajavodstvie. Niekatory čas tamu premjer-ministr znoŭ kazaŭ ab adkryćci novych pamiežnych pierachodaŭ, na hety raz u Padlašskim vajavodstvie. I my, vierahodna, zrabili b heta značna raniej, kali b nie toj fakt, što Litva adnačasova svaje pierachody ź Biełaruśsiu zakryvaje. Litoŭcy — heta našy partniory, my ź imi ŭ kantakcie. Ja razmaŭlaŭ z namieśnikam ministra ŭnutranych spraŭ, i padčas učarašniaj sustrečy ŭ Hdańsku, i siońnia ja budu havaryć pa telefonie. Padtrymajem litoŭcaŭ u hetym rašeńni. Tamu adkryćcio pierachodaŭ u Padlašskim vajavodstvie adkładvajecca na niekalki tydniaŭ, ale rašeńnie tut było pryniata», — skazaŭ jon.
Pa jaho słovach, dakładnaj daty adkryćcia pierachodaŭ niama.
Nahadajem, u aŭtorak premjer-ministr Polščy Donald Tusk zajaviŭ, što ŭ listapadzie na probny pieryjad buduć adkryty pierachody «Kuźnica» (zakryty z 2021 hoda) i «Babroŭniki» (zakryty z 2023 hoda).
Adnak u sieradu ŭrad Litvy pryniaŭ rašeńnie zakryć miažu ź Biełaruśsiu da 30 listapada, pakinuŭšy mahčymaść pierasiakać jaje ŭ punkcie propusku «Miedniki» tolki dla niekatorych katehoryj asob. Pry hetym členy litoŭskaha ŭrada zajaŭlali, što raźličvajuć na salidarnaje rašeńnie polskaha boku.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki37
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary
Miaža zaraz - heta cudoŭnaja lalka, zabulacca jej buduć jašče doŭha
Adčynicie jutub i pahladzicie pieršakrynicu - vystup pana Kiervinskaha.
Tam jen asabliva padkreśliŭ - my adkładajem, datu adkryćcia pakul nie kažam, ale rašeńnie pryniatyje - pierachody buduć adčyniacca.
Palaki sprabujuć adnačasova vyratavać niebarakaŭ-litoŭcaŭ, jakija narabili hłupstvaŭ, i utrymać damoŭlenaści z režymam.