Premjer-ministr Kanady Mark Karni vybačyŭsia pierad Donaldam Trampam za rekłamu z vykarystańniem zapisu pramovy 40‑ha prezidenta ZŠA Ronalda Rejhana, što krytykavała pošliny.
Ab hetym sam Karni zajaviŭ na pres-kanfierencyi na samicie Azijacka-Cichaakijanskaha ekanamičnaha supracoŭnictva (ATES), pieradaje Reuters.
Pa słovach Karni, jon prynios prabačeńni prezidentu ZŠA u pryvatnym paradku na viačery lidaraŭ krain ATES.
Da hetaha ab prabačeńni Karni raspavioŭ Tramp. «Jon byŭ vielmi vietlivy. Jon paprasiŭ prabačeńnia za toje, što jany zrabili z rekłamaj», — skazaŭ jon žurnalistam.
Adnak Tramp admoŭna adkazaŭ na pytańnie, ci adnoviać ZŠA handlovyja pieramovy z Kanadaj paśla hetaha.
Na minułym tydni prezident ZŠA aburyŭsia rekłamnym rolikam, zroblenym u kanadskaj pravincyi Antarya. U im, pavodle Trampa, byŭ biez dazvołu fondu vykarystany zrobleny ŭ 1987 hodzie zapis vystupleńnia na radyjo tahačasnaha prezidenta ZŠA Ronalda Rejhana pra svabodu handlu i impartnyja pošliny.
«U suviazi ź ich aburalnymi pavodzinami ŭsie handlovyja pieramovy z Kanadaj nieadkładna spyniajucca», — napisaŭ tady Tramp.
Raniej Tramp uvioŭ 35%-nyja taryfy na impart z Kanady, za vyklučeńniem tavaraŭ, što padpadajuć pad umovy pahadnieńnia ab svabodnym handli ZŠA ź Mieksikaj i Kanadaj, jakoje Tramp zaklučyŭ padčas svajho pieršaha terminu. Tramp taksama ŭvioŭ pošliny na mietał i aŭtamabili z Kanady.
Jon užo abviaščaŭ pra spynieńnie pieramovaŭ z Kanadaj hetym letam, patłumačyŭšy heta padatkam na amierykanski bihtech. Nieŭzabavie padatak byŭ admienieny.
Kamientary
Navat Japonija admoviłasia damaŭlacca z Karni.
Jon nie vykanaŭ ni vodnaha pieradvybarnaha abiaciańnia. Navat adzinaje jakoje sprabavaŭ vykanać - adabrau zbroju ŭ lehalnych uładalhikaŭ. Ludzi svaju zbroju nie zdajuć.
Ja svaju zdavć nie źbirajusia tak sama. Spadziajusia što buduć daterminovyja vybary i Kanada narešcie pazbavicca ad libierałaŭ.