Прэм’ер-міністр Канады Марк Карні выбачыўся перад Дональдам Трампам за рэкламу з выкарыстаннем запісу прамовы 40‑га прэзідэнта ЗША Рональда Рэйгана, што крытыкавала пошліны.
Аб гэтым сам Карні заявіў на прэс-канферэнцыі на саміце Азіяцка-Ціхаакіянскага эканамічнага супрацоўніцтва (АТЭС), перадае Reuters.
Па словах Карні, ён прынёс прабачэнні прэзідэнту ЗША у прыватным парадку на вячэры лідараў краін АТЭС.
Да гэтага аб прабачэнні Карні распавёў Трамп. «Ён быў вельмі ветлівы. Ён папрасіў прабачэння за тое, што яны зрабілі з рэкламай», — сказаў ён журналістам.
Аднак Трамп адмоўна адказаў на пытанне, ці адновяць ЗША гандлёвыя перамовы з Канадай пасля гэтага.
На мінулым тыдні прэзідэнт ЗША абурыўся рэкламным ролікам, зробленым у канадскай правінцыі Антарыа. У ім, паводле Трампа, быў без дазволу фонду выкарыстаны зроблены ў 1987 годзе запіс выступлення на радыё тагачаснага прэзідэнта ЗША Рональда Рэйгана пра свабоду гандлю і імпартныя пошліны.
«У сувязі з іх абуральнымі паводзінамі ўсе гандлёвыя перамовы з Канадай неадкладна спыняюцца», — напісаў тады Трамп.
Раней Трамп увёў 35%-ныя тарыфы на імпарт з Канады, за выключэннем тавараў, што падпадаюць пад умовы пагаднення аб свабодным гандлі ЗША з Мексікай і Канадай, якое Трамп заключыў падчас свайго першага тэрміну. Трамп таксама ўвёў пошліны на метал і аўтамабілі з Канады.
Ён ужо абвяшчаў пра спыненне перамоваў з Канадай гэтым летам, патлумачыўшы гэта падаткам на амерыканскі бігтэх. Неўзабаве падатак быў адменены.
Каментары
Нават Японія адмовілася дамаўляцца з Карні.
Ён не выканаў ні воднага перадвыбарнага абяцяння. Нават адзінае якое спрабаваў выканаць - адабрауь зброю ў легальных уладальгікаў. Людзі сваю зброю не здаюць.
Я сваю здавць не збіраюся так сама. Спадзяюся што будуць датэрміновыя выбары і Канада нарэшце пазбавіцца ад лібералаў.