«U vas ža toj varjat-prezident». Jak u Novaj Ziełandyi sustreli Cichanoŭskuju z kamandaj
Padčas adnaho z vystupaŭ u Novaj Ziełandyi Cichanoŭskaja pramoviła słovy vitańnia i padziaki na movie maory.
Z 3 pa 7 listapada Śviatłana Cichanoŭskaja naviedała Aŭstraliju i Novuju Ziełandyju. Heta byŭ jaje pieršy pracoŭny vizit u hetyja krainy.
Daradca Cichanoŭskaj Dzianis Kučynski raskazaŭ pra niekalki cikavych momantaŭ pajezdki.
Padčas adnaho z vystupaŭ u Novaj Ziełandy Cichanoŭskaja pramoviła na movie maory słovy vitańnia i padziaki — što było niečakana dla zały.
Maory — heta karennaje nasielnictva Novaj Ziełandyi. Pa roznych acenkach ciapier maory składajuć ad 17 da 20% nasielnictva krainy. Pačynajučy z 1868 hoda za maory zareziervavanyja miescy ŭ parłamiencie krainy (ciapier 7 z 120).
Padčas inšaj sustrečy ministr zamiežnych spraŭ Novaj Ziełandyi Uinstan Piters zacikaviŭsia biełaruskaj vyšyvankaj Franaka Viačorki i staŭ raspytvać, što jana značyć.
«Heta stała nahodaj raskazać pra biełaruskuju kulturu, pra našu niazhodu z neakałanijalnymi padychodami i pra toje, jakuju canu biełarusy płaciać za toje, kab baranić svajo», — dzielicca Kučynski.
Śviatłana Cichanoŭskaja i ministr zamiežnych spraŭ Novaj Ziełandyi Uinstan Piters. Fota: Ofis Cichanoŭskaj
Jon zhadaŭ taksama dyjałoh, jaki adbyŭsia ŭ aeraporcie Novaj Ziełandyi.
«Miascovy supracoŭnik, pahladzieŭšy na pašpart, uśmichnuŭsia: «Cikava, upieršyniu trymaju biełaruski pašpart, ale čuŭ pra vašu krainu! U vas ža toj varjat-prezident…» — «Były, — adkazaŭ ja. — Były prezident. A ciapierašniaja — voś, pryjechała sustrakacca z vašym uradam».
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary
Na pieršym fota Cichanoŭskuju sustrakajuć Labiedźka i Kučynski.
-----
Biezotvietstviennoje zajavlenije. Dažie jeśli priniať mantru pobiedy na nielihitimnych vyborach, srok tot davno prošieł.