Cichanoŭskaja: Vizit u Aŭstraliju — znak, što Biełaruś zastajecca častkaj demakratyčnaha śvietu
Pres-słužba Śviatłany Cichanoŭskaj padviała vyniki vizitŭ Aŭstraliju
«Hety vizit — znak taho, što Biełaruś zastajecca častkaj demakratyčnaha śvietu, navat kali režym sprabuje izalavać krainu. My budujem masty i siabroŭstva z tymi, chto padzialaje našyja kaštoŭnaści svabody i hodnaści»,— Śviatłana Cichanoŭskaja.
Ciaham čatyroch dzion vizitu ŭ Aŭstraliju Cichanoŭskaja praviała šerah sustrečaŭ na samym vysokim uzroŭni: z premjer-ministram Aŭstralii Entani Ałbanizam; ź ministarkaj zamiežnych spravaŭ Aŭstralii Peni Vonh; sa śpikieram Pałaty pradstaŭnikoŭ Aŭstralii Miłtanam Dykam; z pradstaŭnikami Libieralnaj partyi Aŭstralii; kiraŭnicaj Aŭstralijskaj rady prafsajuzaŭ Mišel O'Nił; z byłym premjer-ministram Skotam Morysanam; z byłym premjer-ministram Toni Abotam.
Jana vystupiła ŭ Aŭstralijskim nacyjanalnym univiersitecie ź lekcyjaj, u jakoj sfakusavałasia na tym, čamu baraćba biełarusaŭ za svabodu — heta častka hłabalnaj baraćby za demakratyju, na kanfierencyi, pryśviečanaj hłabalnym pahrozam aŭtarytaryzmu i supracoŭnictvu demakratyčnych dziaržaŭ, dzie stała hałoŭnaj śpikierkaj; Aŭstralijskim instytucie stratehičnaj palityki, dzie adznačyła, što Biełaruś znachodzicca pad kantrolem Rasii, a režym Łukašenki staŭ jaje proksi; ź lekcyjaj «Ad turemnych kamier da paloŭ bitvaŭ» va ŭniviersitecie Suinbiern u Mielburnie, pryśviečanuju baraćbie biełarusaŭ i ŭkraincaŭ suprać «ruskaha śvietu»; na publičnaj dyskusii «Baraćba za demakratyju ŭ Biełarusi», arhanizavanaj Aŭstralijskim instytutam mižnarodnych spraŭ u štacie Viktoryja.
Taksama Cichanoŭskaja ŭšanavała pamiać biełarusaŭ u miemaryjale ANZAC (pamiaci aŭstralijcaŭ i novaziełandcaŭ, što zahinuli padčas Druhoj suśvietnaj vajny) i sustrełasia ź biełaruskaj dyjasparaj.
U Rečycy ludzi vyjšli prybirać śnieh. Ich aštrafavali5
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
Vam by u susiedni štat naviedacca - Paŭdniovuju Aŭstraliju - tam ich, prynamsi, šeść:
1. Beverley,
2. Warrior,
3. Goulds Dam,
4. Honeymoon,
5. East Kalkaroo,
6. Yarranna
I palitźniavoleny, hieołah pa adukacyi, u vas jość - Pavał Sieviaryniec. Bałotnickaje rudnaje pole čakaje na inviestara.
"dla padziemnamu śvidravinnamu vymyvańni urana"
a chaciełasia
"dla padziemnaha śvidravinnaha vymyvańnia urana"
Jość mahčymaść zredahavać?