«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»
Žychar Vilni, jaki ŭ piatnicu viartaŭsia ź Biełarusi ŭ Litvu na asabistym aŭtamabili na litoŭskich numarach, raskazaŭ «Salidarnaści», jakuju karcinu naziraŭ pierad prapusknym punktam «Kamienny Łoh».
«Vidovišča strašnaje. Fury raściahnulisia na mnohija kiłamietry. Stajać uzdoŭž darohi — prosta, bokam. Stajać u poli. Jedzieš — i bačyš sotni i sotni fur. Imi zabityja zapraŭki, dzie možna parkavacca, zadoŭha da miažy, a taksama najbližejšyja 2‑3 zapraŭki da prapusknoha punkta.
Pavodle maich nazirańniaŭ, kala 70% — na litoŭskich numarach. Ale jość i na polskich i jašče niejkich. Kiroŭcaŭ fur škada. Jany žyvuć tam! A pobač — ni kramy, ni kaviarni. Mnohija chodziać hrupami. U poli bačyŭ niešta nakštałt kanforki — kiroŭcy niešta hatavali».
Sa słovaŭ surazmoŭcy, jahonaje pierasiačeńnie biełaruska-litoŭskaj miažy było adnym z samych chutkich za apošni hod. Lehkavych aŭtamabilaŭ na jeŭrapiejskich numarach, jakija nakiroŭvalisia ŭ Litvu, byli adzinki.
«I biełarusy, i litoŭcy prapuścili vielmi chutka. Supracoŭnikaŭ mytni na abodvuch prapusknych punktach było šmat. Biełarusy niekalki razoŭ paŭtaryli «ščaślivaj darohi». Litoŭcy, źviarnuŭ uvahu, razmaŭlali z kiroŭcami i pasažyrami tolki na litoŭskaj movie».
Mužčyna adznačyŭ, što daroha ad Minska da Vilni z prachodžańniem miažy ŭ jaho zaniała kala čatyroch hadzin.
Nahadajem, Litva zakryła dva pamiežnyja pierachody na litoŭska-biełaruskaj miažy ŭ suviazi z masavaj atakaj litoŭskaj pavietranaj terytoryi nibyta kantrabandysckimi pavietranymi šarami, što lacieli z boku Biełarusi. U vyniku ŭ Biełarusi akazalisia zabłakavanymi kala 5 tysiač litoŭskich hruzavikoŭ i paŭpryčepaŭ. Biełaruskija ŭłady admaŭlajucca ich vypuskać z krainy. Zakryćcio miažy maje pradoŭžycca jak minimum da kanca listapada.
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary
Nu točna zavierbavany.
Heta ž pramaja mana mienavita ŭ takoj farmuloŭki.
Takładniej tak "Biełaruskija ŭłady admaŭlajucca ich vypuskać z krainy na ŭmovach Litvy".