«Siońniašni pracoŭny dzień na miažy», — napisała Inha Ruhinienie ŭ fejsbuku.
Daradca premjer-ministra Ihnas Dabravolskas zajaviŭ, što premjer choča na svaje vočy ŭbačyć abstanoŭku na miažy.
«Premjer-ministarka razam z supracoŭnikami Dziaržaŭnaj pamiežnaj słužby prainśpiektuje abstanoŭku na litoŭska-biełaruskaj miažy — jak na ziamli, tak i z pavietra. Premjer-ministarka choča ŭbačyć realnuju karcinu i acanić situacyju na svaje vočy», — paviedamiŭ jon.
Učora paviedamlałasia, što Łukašenka prymaŭ z dakładam Kanstancina Mołastava i daŭ ukazańni nakont biełaruska-litoŭskaj miažy, ale što mienavita, nie ŭdakładniałasia.
Tym časam paśla pierapynku ŭ niekalki dzion minułaj nočču radyjołakacyjnyja stancyi znoŭ zafiksavali abjekty, što lacieli ź Biełarusi ŭ bok Litvy.
Jak skazaŭ u efiry radyjostancyi LRT kiraŭnik Nacyjanalnaha centra kiravańnia ŭ kryzisnych situacyjach Viłmantas Vitkaŭskas, pakul nieviadoma, ci byli heta pavietranyja šary kantrabandystaŭ. «Našy radyjołakacyjnyja stancyi zafiksavali ślady, jakija, mierkujučy pa paramietrach, naležać pavietranym šaram. Učora-pazaŭčora my takich źjaŭ nie nazirali. Tamu my kažam, što Biełaruś, chutčej za ŭsio, znoŭ talerantna stavicca da zapusku kantrabandnych pavietranych šaroŭ sa svajoj terytoryi ŭ Litvu. Miarkujučy pa ŭsich paramietrach, heta moh być mietearałahičny zond, ale pakul niama vizualnaha kantaktu, pakul my nie bačym jaho ŭ pavietranaj prastory, my nie možam dakładna skazać, što heta byŭ mienavita pavietrany šar i kolki ich było na toj momant», — skazaŭ Vitkaŭskas.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»9
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
Kamientary
Łavi, Inha na miažy. ;)