U Hrodnie kałarytnaha vuličnaha muzyku paprasili pakinuć centr horada. A razam ź im i inšych ramieśnikaŭ
Hrodzienski vuličny muzyka Alaksandr Zimin raskazaŭ, što jaho z chendpanam 7 listapada «vyhnali» z Savieckaj vulicy. Dla jaho ihra była dadatkovaj krynicaj zarobku. U muzyki byŭ dazvoł na heta ad Hrodzienskaha harvykankama, ale jon jaho nie padoŭžyŭ, piša Hrodna.life.
«Ź Piešachodki mianie siońnia vyhnali. Dama z uładaŭ u supravadžeńni supracoŭnikaŭ milicyi, jakaja ciapier sočyć za paradkam. U vyniku na praciahu vulicy, ad Maładziožnaha centra da CUMa, nie stała ramieśnikaŭ. Na ŭsioj Savieckaj — ni adnaho muzyki. Niadobryja čutki, ale na toje jany i čutki, tak što ahučvać nie budu. Ale nastroj, naturalna — nižejšy za plintus», — napisaŭ muzyka.
Alaksandr udakładniŭ, što biare dazvoł na vuličnuju ihru ŭ harvykankamie kožny hod, ale ŭ 2025‑m nie paśpieŭ heta zrabić. «Da kanca hoda zastałosia ŭsiaho ničoha, u śniežni nastupnaje pisać na nastupny hod. U adkaz: «Voś budzie dazvoł, tady i pryjdziecie, a ciapier sychodźcie», — raspavioŭ Zimin. Pavodle jaho słoŭ, dastałasia i ramieśnikam — ich taksama paprasili pajści z vulicy. U kamientarach heta źviazvajuć z pryjezdam Alaksandra Łukašenki ŭ Hrodna.
«Jość pastanova harvykankama ad 2014 hoda, zhodna ź jakoj ad kramy «Ratušny» da Moładzievaha centra mohuć stajać tolki ŭdzielniki Hrodzienskaha abjadnańnia majstroŭ i ramieśnikaŭ «Haradzienski kałaryt». Prosta nichto nie źviartaŭ na heta ŭvahi, i handlavaŭ chto chacieŭ i jak chacieŭ. Miod, čaj, dzietki sa svaimi lalačkami i ałkašy z bukiecikami. Ciapier vyrašyli navieści paradak. Atrymali vialikuju chvalu abureńnia», — patłumačyła ŭ kamientarach ramieśnica Ludmiła.
Alaksandr Zimin — vuličny muzyka z Hrodna. Hraje na vulicy z 2016 hoda na chendpanie. Jaho niezvyčajny instrumient u vyhladzie latajučaj talerki staŭ słavutaściu centra Hrodna. Źjazdžaŭ u Archanhielskuju vobłaść pracavać na lesapilni, a potym viarnuŭsia. U Biełarusi niekalki hadoŭ biezvynikova zmahaŭsia za miedycynskuju daviedku dla pravoŭ kiroŭcy (u jaho DCP i daviedku davać nie chacieli). I lohka atrymaŭ jaje ŭ Rasii.
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie
Čym ciapier zajmajecca eks-udzielnik hurtu ŁSP Piatro Klujeŭ?
Ivan Dorn praśpiavaŭ u Varšavie pa-ŭkrainsku ź biełaruskim vuličnym muzykam
U Centralnym parku Homiela časta śpiavaje afrykaniec. Što za jon?
«Usio zabaranili». U Hrodnie muzyki raniej vystupali ŭ centralnych dvorykach, a ciapier nie buduć
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»36
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
U Hrodnie heta viedali, mahił b i vy pacikavicca i dapisać.