Čym ciapier zajmajecca eks-udzielnik hurtu ŁSP Piatro Klujeŭ?

Apošnim jarkim publičnym vystupam Klujeva možna ličyć kaladny kvaternik Marharyty Laŭčuk u 2023 hodzie.

Viasnoj 2024‑ha znajomyja Piatra ŭvohule pačali panikavać: «čałaviek źnik!» A potym vyśvietliłasia, što Klujeŭ zaloh na dno pa pryčynie hrašovych pazyk, jakija nie moh addać. I vystupy ŭ jaho zdaralisia, ale amal padpolna, kab tyja, kamu jon vinny hrošy, nie pryjšli pa ich.

Sam Piatro ŭsio admaŭlaŭ. «U mianie niama dostupu da niekatorych sacsietak, i tamu ja nie moh vyjści na suviaź», — zajaŭlaŭ tvorca. Praŭda, jak daviedałasia «Naša Niva», niekatorym jon dahetul nie viarnuŭ pazyki.

Što jašče adbyvajecca ciapier u žyćci Piatra?

Pavialičyć

@piotrkluev Ja tot samyj Piotr Klujev iz ŁSP, podpisyvajtieś čtob piervymi słušať moi pieśni #PietrKlujev #ŁSP #klujev ♬ Malen'kiy prints - LSP

U svaim tyktoku Klujeŭ pryznajecca, što ź pierajezdam u Jeŭropu jamu było nialohka, chaciełasia adyści ad paznavalnaści vyklučna pa ŁSP, tym bolš, što hrupa praciahvaje hastralavać pa Rasii. Piatro, u svaju čarhu, pisaŭ novyja pieśni i ŭ 2024 hodzie vypuściŭ albom Punk's Line svajho prajekta Love Machine.

Pry hetym, jak zaŭvažajuć kamientatary, uvieś svoj błoh jon napaŭniaje kantentam, tak ci inakš zaviazanym na ŁSP: «Jak ja paznajomiŭsia z Aleham ŁSP», «Sakret, jaki viedali tolki ŭdzielniki ŁSP», «Kali ŁSP vystupić u Jeŭropie».

@piotrkluev Kohda ŁSP vystupit v Jevropie Ssyłka na bilety v šapkie profila #PietrKlujev #ŁSP #klujev ♬ orihinalnyj zvuk - Pietr Klujev

Darečy, na solnym kancercie ŭ Varšavie, jaki zapłanavany na krasavik 2026 hoda, Piatro płanuje hrać u tym liku chity, stvoranyja dla ŁSP — naprykład, «Maleńkaha prynca», dla jakoha Klujeŭ napisaŭ muzyku.

Klujeŭ časam vystupaje z papularnym repieram z Ukrainy T-fest. U volny ž čas lubić padychodzić da vuličnych muzykaŭ u Varšavie ŭ vobrazie rabočaha z prapanovaj syhrać paru akordaŭ — i kali pačynaje śpiavać svaje i čužyja pieśni, ździŭlaje ŭzroŭniem vykanańnia tych, chto jaho nie viedaje.

@piotrkluev Prank - rieakcija ludiej eks Člen ŁSP Piotr Klujev śpieł Porn⭐️ Dumajetie uznali? #PietrKlujev #klujev #ŁSP ♬ orihinalnyj zvuk - Pietr Klujev

Akramia taho, apošnija piać miesiacaŭ Piatro pracavaŭ nad sajtam ArtGo — jon dazvalaje aŭtamatyzavać pracu pamiž zamoŭcam i artystami.

@piotrkluev Podpisyvajtieś na @ArtGo - eto novyj projekt po avtomatizacii raboty artistov, hdie ty možieš biez posriednikov prihłasiť k siebie luboho ispołnitiela i dažie mienia #PietrKlujev #klujev #ŁSP ♬ Dym sihariet - Piotr Klujev

Tak, za 6 tysiač jeŭra vy možacie zaprasić da siabie na dzień narodzinaŭ śpiavačku Leru Jaskievič, adrazu abraŭšy patrebnuju datu ŭ kalendary. Za 500 jeŭra — komika Antona Dziubajłu, a za dźvie tysiačy jeŭra (za hadzinu) — samoha Piatra Klujeva. Ścipłym jaho nazvać ciažka: sam siabie jon apisvaje jak «najlepšaha pop-muzyku ŭsich časoŭ» i «lehiendu».

Prasoŭvaje sajt Klujeŭ na polskaj movie — vialikuju častku malenstva jon pražyŭ u Polščy, bo tam vučyłasia jaho maci. Tamu jon dobra vałodaje movaj i navat vykładaŭ jaje niejki čas u padpolnym Licei imia Jakuba Kołasa ŭ Minsku.

Pavialičyć

• 4
• 0
• 3
• 8
• 1
• 1
• 0
• 1