Minčanka addała machlaram usie hrošy, ale sfatahrafavała 85‑hadovaha kurjera
Napiaredadni 69‑hadovaj žančyna na chatni telefon patelefanavali nibyta supracoŭniki kamunalnaj słužby i daznalisia numar piensijnaha paśviedčańnia.
Paśla na videasuviaź vyjšaŭ psieŭdapravaachoŭnik. Jon napałochaŭ žančynu kryminalnaj adkaznaściu za razhałošvańnie danych i zapatrabavaŭ zadekłaravać hrašovyja źbieražeńni, kab ich nie kanfiskavali padčas vobšuku, paviedamlaje «Milicyja Minska».
Minčanka pavieryła afierystam, zaharnuła ŭ pakiet 25 000 rubloŭ i pieradała «davieranaj asobie z Nacyjanalnaha banka». Ale pierad hetym sfatahrafavała kurjera.
Paśla pieradačy hrošaj machlary pierastali vychodzić na suviaź.
Pa fotazdymku syščyki Frunzienskaha RAUS ustalavali i zatrymali kurjera — 85‑hadovuju minčanku. Vyśvietliłasia, što žančyna sama stała achviaraj afierystaŭ pa takoj ža schiemie i pieraličyła svaje hrošy na «biaśpiečny rachunak». A potym pahadziłasia dapamahčy inšaj paciarpiełaj piensijaniercy: zabrała jaje hrošy i pa ŭkazańni machlaroŭ pakinuła ich u śmietniku dla nastupnaha kurjera.
Zaviedziena kryminalnaja sprava za machlarstva.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary