U Słuckim rajonie nieviadomyja vykapali tui z mohiłak. I heta nie adzinaja dla ich prablema
Na mohiłkach u Bokšycach Słuckaha rajona nieviadomyja vykrali try tui. Pry hetym miascovyja žychary ŭžo nie ŭpieršyniu źviartajuć uvahu na prablemy achovy mohiłak va ŭsim rajonie, piša BGmedia.
Žycharka Słuckaha rajona paviedamiła pra niepryjemny incydent: z mahiły na mohiłkach u vioscy Bokšycy vykapali try tui.
«Apisać emocyi, kali sutykaješsia z hetym, prosta niemahčyma. Praviercie pachavańni svaich blizkich, mahčyma, i vy paciarpieli», — piša jana ŭ adnym ź miascovych kanałaŭ.
Padobnyja vypadki ŭ rajonie nie adzinkavyja: jak uzhadvaje adna z čytačak, kala piaci hadoŭ tamu padobny kradziež adbyŭsia ŭ vioscy Branavičy. Hetyja naviny vyklikali abureńnie ŭ miascovych žycharoŭ, pra što śviedčać niehatyŭnyja reakcyi pad navinami.
Vandalizm i psavańnie pomnikaŭ
Prablemy mohiłak Słuckaha rajona nie abmiažoŭvajucca adnym kradziažom tujaŭ. U samim Słucku staroje nadmahille Lucyny Ordy paškodžana: hranitnyja plity byli častkova abrabavanyja nieviadomymi asobami.
Za mahiłami sałdat Druhoj suśvietnaj vajny zamacavanyja haradskija pradpryjemstvy, jakija dahladajuć ich i ŭskładajuć vianki da 9 maja. U katalickaj častcy mohiłak pieryjadyčna pravodziać uborku kataliki. Taksama, u abvieščany dziaržavaj Hod uparadkavańnia da rabot na mohiłkach pryciahvajuć školnikaŭ, supracoŭnikaŭ dziaržpradpryjemstvaŭ.
Ale, niahledziačy na heta, prablema zastajecca. Mohiłki znachodziacca ŭ padparadkavańni ŽKH, i mienavita jany pavinny sačyć za paradkam, apieratyŭna vyjaŭlać akty vandalizmu i źviartacca ŭ milicyju. Adnak na praktycy sapraŭdnaja achova i ŭparadkavańnie nie ŭ najlepšym stanie.
Adsutnaść achovy i historyka-miemaryjalnaha statusu
Mohiłki ŭ Słucku zakrytyja dla novych pachavańniaŭ ź vieraśnia 1981 hoda i nie achoŭvajucca, a terytoryja nie maje histaryčnaha abo miemaryjalnaha statusu. Brama XIX stahodździa taksama nie ličycca pomnikam architektury. Jak adznačajuć miascovyja krajaznaŭcy, u krainie, dzie niama naležnaj pavahi da historyi, achova takich miescaŭ stanovicca asabliva składanaj.
Na terytoryi mohiłak časam źbirajucca ludzi, jakija złoŭžyvajuć ałkaholem, u tym liku moładź. Tut adbyvajucca razbureńnie pomnikaŭ, naniasieńnie nadpisaŭ na mahilnych plitach viadomych ludziej. Naprykład, mahiła člena Vajskovaj rady časoŭ Rasijskaj Impieryi hienierała Michaiła fon Mieviesa była źniščanaja, a pomnik razmalavany.
Prablemy roznych častak mohiłak
Prablemy zakranajuć i inšyja ŭčastki: na mohiłkach sałdat Druhoj suśvietnaj vajny časam paśviać kozaŭ, na habrejskaj častcy ludzi zaŭvažali karoŭ. Niahledziačy na abvieščany dziaržavaj Hod uparadkavańnia, u Słucku i pa rajonie praciahvajucca prablemy z achovaj i padtrymkaj mohiłak.
«Ideja ŭźnikła paśla zvanka vybarščycy». Biełaruskaja deputatka stvaryła sajt z tysiačami mahił
U nastupnym hodzie buduć pašyrać minskija mohiłki «Lasnyja»
U Paryžy praz łatareju razyhryvajucca miescy na mohiłkach pobač sa znakamitaściami
Na Uschodnich mohiłkach adkryli nadmahilny pomnik Źmitraku Biadulu
«Novaja chatka, tolki cieśnieńkaja». Čym była truna va ŭjaŭleńni prodkaŭ biełarusaŭ
Piać cikavych mohiłak Biełarusi dla naviedvańnia na Dziady
Kamientary
"vykraści" - heta pra kradziež niekaha/niečaha z-pad mocnaj achovy
"ukrali"(rus) = "vykrali"(bieł) ?! -- to jość žEstačašY pierakład! ))
Pahałoŭnaja pasadka tuj - asobny vid biezhustoŭnaści tutejšych.