«Limit pieravyšany». Vizavy centr Italii adnaviŭ zapis pa žyvoj čarzie

U narodzie jaho jašče prazvali «sšytak Aleha» pa imieni administratara, jaki zajmaŭsia hetaj praceduraj, piša Onliner.by.

Samu praceduru zapisu pa žyvoj čarzie ŭviali 2,5 hoda tamu — u 2023-m. Usio dla taho, kab pieraškodzić pracy pasiarednikaŭ, jakija raźbirajuć volnyja słoty i pierapradajuć ich patencyjnym vandroŭnikam. Dziejničała takaja opcyja nie pastajanna, pieryjadyčna zapis spyniali z-za i tak vializnaha śpisu žadajučych atrymać vizu. Kožnaje adnaŭleńnie było padstavaj dla zboru vielizarnaj čarhi ŭ rajonie Niamihi.

Tak, apošni ŭsplosk aktyŭnaści naziraŭsia tut u siaredzinie vieraśnia. Tady 17 vieraśnia ŭvieś dzień i 18‑ha da 9 ranicy ŭsie žadajučyja mahli pasprabavać atrymać numar pa žyvoj čarzie. Ludzi źjazdžalisia da vizavaha centra jašče da 4—5 ranicy. 18 vieraśnia ŭ pieršapačatkovy śpis zapisalisia 200 čałaviek. Numary zmahli atrymać tolki 132 ź ich.

Praŭda, u hetuju piatnicu, niahledziačy na abjavu, nijakaha ažyjatažu nie nazirałasia. Usia sprava ŭ tym, što ciapier zajaŭku na numar u liście čakańnia treba padavać anłajn. A ŭžo paśla taho, jak jaje paćvierdziać, u pryznačany čas padjechać z pašpartam da vizavaha centra, kab vieryfikavać svaje dadzienyja. Zrabić heta anłajn nielha. Tolki ŭ vizavym centry vy i atrymajecie toj samy numar u liście čakańnia.

Paradak dziejańniaŭ:

Kab atrymać numar u liście čakańnia, treba adpravić list na adras [email protected].

U zapycie nieabchodna ŭkazać nastupnuju infarmacyju:

• proźvišča i imia łacinskimi litarami;
• datu naradžeńnia;
• numar telefona;
• adras elektronnaj pošty;
• numar hrupy / M-numar (asabisty kabiniet na sajcie it.tlscontact.com/by pavinien być zapoŭnieny i paćvierdžany). Kali vy źbirajeciesia ŭ pajezdku razam ź siamjoj ci siabrami, usie dadzienyja pavinny być uniesieny ŭ ahulnuju formu.

Paśla adpraŭki zapytu ŭ adkaz na list pavinna pryjści zaprašeńnie na vočnuju vieryfikacyju ŭ Vizavym centry ŭ Minsku z ukazańniem daty i času. Tolki ŭ vypadku paśpiachovaj vieryfikacyi vam prysvojać numar u liście čakańnia ŭ žyvoj čarzie. Kali patrabavańni nie vykanany, zajaŭka budzie adchilena.

Važnaje praviła: padavać zapyt mohuć tolki tyja, u kaho na dadzieny momant niama doŭhaterminovaj šenhienskaj vizy terminam bolš za try miesiacy.

Jašče adno novaŭviadzieńnie tyčycca taho, što raniej vydadzienyja numary ciapier majuć abmiežavany termin dziejańnia. Tak, numary z 1 pa 8000 možna vykarystoŭvać tolki da 15 listapada, a z 8001 pa 23 000 — da 31 śniežnia 2025 hoda. Paśla zakančeńnia nazvanych terminaŭ numary straciać siłu i nie buduć prymacca navat pry papiarednim zapisie. Terminy dla astatnich numaroŭ płanujuć apublikavać na sajcie da kanca hoda. U vizavym centry ličać, što takaja sistema dapamoža zrabić čakańnie bolš arhanizavanym i prazrystym.

Žurnalisty pasprabavali adpravić niekalki zajavak z roznych adrasoŭ elektronnaj pošty 14 listapada. Na praciahu niekalkich hadzin adkaz pakul tak i nie pryjšoŭ.

Pavialičyć

A voś što raspavioŭ adzin z čytačoŭ Onlíner:

— Akaŭnt na sajcie vizavaha centra ŭ mianie raniej byŭ, ale daŭno. Uvajści ŭ jaho nie zmoh. Miarkuju, što vydalili. Tamu stvaryŭ novy 12 listapada, adrazu ž zapoŭniŭ dadzienyja ŭ asabistym kabiniecie i paćvierdziŭ. U toj ža dzień (na ŭsialaki vypadak) adpraviŭ zapyt na poštu (jak u instrukcyi). Adkazu nie atrymaŭ. Pakolki pryjom zajavak pačynaŭsia z 14 listapada, to siońnia ŭ 10:08 paŭtorna adpraviŭ zapyt na poštu z ukazańniem nieabchodnych dadzienych ź instrukcyi. Da 13:30 adkazu jašče nie było. 

Z samaj ranicy niekatoryja karystalniki sacsietak dzialilisia, što nie zmahli padać zajavu z-za pierahružanaści sajta. Im prychodziła apaviaščeńnie, što «atrymalnik pieravysiŭ limit na kolkaść paviedamleńniaŭ, jakoje jon moža atrymlivać u hadzinu». Heta značyć na adras vizavaha centra adpravili bolš za 3600 paviedamleńniaŭ na praciahu 60 chvilin.

Pavialičyć

• 1
• 0
• 0
• 3
• 1
• 0
• 0
• 0