Siońnia projdzie losavańnie stykavych matčaŭ čempijanatu śvietu pa futbole
Paśla abnaŭleńnia rejtynhu FIFA, u jakim Biełaruś padniałasia z 103‑ha na 99‑ie miesca, vyznačylisia kančatkovyja składy košykaŭ dla losavańnia jak jeŭrapiejskaha, tak i mižkantynientalnaha płej-of kvalifikacyi ČS-2026.
Jana projdzie siońnia ŭ Ciurychu, pačatak u 15.00 pa Minsku.
Skład čaćviortaha košyka ŭ Jeŭropie nie zaležyć ad rejtynhu FIFA — u im sabrany kamandy, jakija prabilisia praź Lihu nacyj.
Jeŭrapiejskaja kvalifikacyja
Košyk 1: Italija (12), Danija (21), Turcyja (25), Ukraina (28);
Košyk 2: Polšča (31), Uels (32), Čechija (44), Słavakija (45);
Košyk 3: Irłandyja (59), Ałbanija (63), Bośnija i Hiercahavina (71), Kosava (80);
Košyk 4: Rumynija (47), Šviecyja (43), Paŭnočnaja Makiedonija (65), Paŭnočnaja Irłandyja (69).
16 jeŭrapiejskich zbornych (12, jakija zaniali druhija miescy ŭ hrupach +4 zbornyja ź Lihi nacyj) buduć raźbity na čatyry hrupy pa čatyry zbornyja.
Stykavyja matčy projduć u farmacie: dva paŭfinały i finał. Pucioŭku na čempijanat śvietu, jaki projdzie letam 2026 hoda ŭ ZŠA, Mieksicy i Kanadzie, atrymajuć čatyry pieramožcy finałaŭ.
Stykavyja matčy projduć 26 i 31 sakavika.
Mižkantynientalny płej-of
Siejanyja: DR Konha (56), Irak (58), heta adrazu finalisty.
U paŭfinałach adrazu zhulajuć Jamajka (70), Balivija (76), Surynam (123), Novaja Kaledonija (149).
A ŭžo pieramožcy par zhulajuć z DR Konha i Irakam.
Vyznačylisia kamandy ad Jeŭropy, što napramuju vyjšli na ČS pa futbole, i ŭdzielniki stykavych matčaŭ
Zbornaja Kiurasaa ŭpieršyniu ŭ historyi vyjšła na čempijanat śvietu pa futbole
Eks-zorka «ManJunajted» i zbornaj Anhlii vychoŭvaje syna z aŭtyzmam. Z-za jaho raźvioŭsia z žonkaj i admoviŭsia ad vialikich hrošaj
Ciapier čytajuć
Zahinuŭ biełaruski dobraachvotnik Alaksiej Łazaraŭ10
Kamientary