Zbornaja Kiurasaa ŭpieršyniu ŭ historyi vyjšła na čempijanat śvietu pa futbole

Zbornaja Kiurasaa vyjhrała hrupu i ŭpieršyniu ŭ historyi vyjšła na čempijanat śvietu pa futbole. Kamanda vyjhrała hrupu ŭ Jamajki, Trynidada i Tabaha i Biermudskich astravoŭ.

Siońnia nočču Kiurasaa treba było nie prajhrać u haściach Jamajcy. Kamandy nočču zhulali 0:0. Miesiac tamu Kiurasaa vyjhrała ŭ Jamajki 2:0.

Kiurasaa, što znachodzicca na poŭdni Karybskaha mora niepadalok ad Vieniesueły, stanie zbornaj z samaj maleńkaj krainy na čempijanacie śvietu, jaje nasielnictva 156 tysiač čałaviek i terytoryjaj u 450 kvadratnych kiłamietraŭ, papiaredni rekord čempijanataŭ naležaŭ Isłandyi ź jaje 350 tysiačami.

Kiurasaa — samakiravanaje dziaržaŭnaje ŭtvareńnie, što ŭvachodzić u skład Niderłandaŭ. Karol krainy jaje kiraŭnik, a sami Niderłandy adkazvajuć za abaronu i źniešniuju palityku. Ale Kiurasaa, jak Farery ci Uels, člen FIFA.

Taksama z Centralnaj Amieryki vyjšli na čempijanat śvietu Haici i Panama (druhi raz u historyi), a Jamajka i Surynam adpraviacca ŭ mižkantynientalnyja styki.

Takim čynam vyznačylisia 42 z 48 udzielnikaŭ čempijanatu śvietu pa futbole.

Pucioŭki ŭžo zavajavali:

ad Paŭdniovaj Amieryki — Arhiencina, Uruhvaj, Brazilija, Parahvaj, Kałumbija, Ekvador,

ad Afryki — Kaba-Vierde, Ałžyr, Tunis, Jehipiet, PAR, Maroka, Hana, Sieniehał, Kot dJIvuar,

ad Azii — Japonija, Paŭdniovaja Kareja, Aŭstralija, Katar, Uźbiekistan, Ijardanija, Saudaŭskaja Aravija,

ad Akijanii — Novaja Ziełandyja.

Taksama vystupiać ZŠA, Mieksika i Kanada jak arhanizatary.

Ad Jeŭropy pramyja pucioŭki zavajavali zbornyja Hiermanii, Šviejcaryi, Šatłandyi, Francyi, Ispanii, Partuhalii, Niderłandaŭ, Bielhii, Anhlii, Narviehii, Aŭstryi, Charvatyi.

U stykavyja matčy adpraŭlajucca zbornyja, što zaniali ŭ svaich hrupach druhija miescy:Słavakija, Kosava, Ukraina, Čechija, Irłandyja, Italija, Bośnija i Hiercahavina, Turcyja, Polšča, Ałbanija, Uels, Danija + čatyry najlepšyja kamandy ź Lihi nacyj (Šviecyja, Rumynija, Paŭnočnaja Irłandyja, Paŭnočnaja Makiedonija), što nie prabilisia praz adboračny turnir ČS. Jany ŭ sakaviku razyhrajuć čatyry dadatkovyja pucioŭki ad Jeŭropy.

16 zbornych buduć padzielenyja na čatyry hrupy pa čatyry kamandy i ŭ farmacie paŭfinał/finał razyhrajuć čatyry pucioŭki (to bok jaje atrymaje pieramožca kožnaj z čatyroch hrup).

Losavańnie stykavych matčaŭ — 20 listapada. Sami matčy projduć 26 i 31 sakavika 2026 hoda. 

U mižkantynientalnych stykach dźvie pucioŭki razyhrajuć Balivija, Novaja Kaledonija, Irak, Demakratyčnaja Respublika Konha, Jamajka i Surynam.

Čempijanat śvietu pa futbole projdzie z 12 červienia pa 19 lipienia 2026 hoda ŭ ZŠA, Mieksicy i Kanadzie. Upieršyniu na im zhulajuć 48 zbornych.

• 4
• 1
• 0
• 0
• 0
• 0
• 0
• 0