Skandalna viadomy spartovy funkcyjanier i sienatar Dźmitryj Baskaŭ staŭ suŭładalnikam budučaj sietki dyskaŭntaraŭ, piša «Biuro».
Pavodle źviestak «Biuro», jamu naležyć 50% firmy «DNC-Markiet», jašče 50% — u małaviadomaha biznesoŭca Anatola Pryhodziča. Jurydyčnaja asoba zarehistravanaja ŭ lutym 2025 hoda ŭ Žodzinie.
U płanach «DNC-Markieta» zapuścić sietku va ŭsioj krainie. Na dadzieny momant adkrylisia dźvie kropki — u Minsku i Žodzinie, ale kampanija ŭžo najmaje piersanał «u suviazi z adkryćciom novych kramaŭ sietki» ŭ Hrodnie, Pinsku, Baranavičach, Biarozie i Maładziečnie.
Miarkujučy pa ŭsim, ekspansija novaj sietki idzie i praz pamiaškańni, dzie raniej pracavaŭ «Vostraŭ čyścini i smaku». Adras minskaj kropki supadaje z adrasam adnoj z byłych kramaŭ sietki.
Taksama adzin z trymalnikaŭ kropak sietki «Vostraŭ čyścini i smaku» — kampanija «PradChimMarkiet» — u mai 2024 hoda pierajšła da Anatola Pryhodziča, ciapierašniaha partniora Baskava. Dziakujučy «Kibierpartyzanam» žurnalisty zdoleli daviedacca, što Anatol Pryhodzič kala dziesiaci hadoŭ prapracavaŭ na roznych pasadach u strukturach hrupy kampanij «Romaks», byłych uładalnikaŭ sietki «Vostraŭ čyścini i smaku».
«DNC-Markiet» užo atrymała licenzii na prodaž ałkaholu i tytuniu. Paralelna jana padała zajaŭki na handlovyja znaki: «Dnc-markiet», «Ekonoḿ-ka», «Mister Ludwig», «Kriepyš» i «Happy house».
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!4
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary
22