Na 63‑m hodzie žyćcia pamior Ivan Afanaśjeŭ — zahadčyk kafiedry ruskaj i suśvietnaj litaratury Homielskaha dziaržaŭnaha ŭniviersiteta imia F. Skaryny. Heta adbyłosia padčas apieracyi na sercy, piša «Biełka».
Va ŭniviersitecie Ivan Mikałajevič pracavaŭ bolš za sorak hadoŭ. Jon sam byŭ vypusknikom hetaj VNU, pačaŭ pracavać vykładčykam, a z 2004 hoda zajmaŭ pasadu zahadčyka kafiedry.
«Dla kaleh i studentaŭ Ivan Mikałajevič zastaniecca ŭ pamiaci jak talenavity litaraturaznaŭca, zachopleny daśledčyk, tvorčaja asoba, mudry čałaviek, hatovy padtrymać u ciažkuju chvilinu, i biaskonca addany svajoj spravie śpiecyjalist», — havorycca ŭ paviedamleńni rodnaha dla Ivana Afanaśjeva fakulteta.
«Da studentaŭ jon zaŭsiody źviartaŭsia na «vy» i tolki pa imieni i imieni pa baćku. Jaho nazyvali dušoj i sumleńniem fiłfaka — i heta praŭda. Dumaju, mnohija jaho zapomnili sapraŭdnym intelihientam i samym dobrym vykładčykam fiłfaka. Adnojčy jon pastaviŭ mnie «dobra» za absalutna vydumany pierakaz tvora. Skazaŭ — za kiemlivaść», — padzialiłasia ŭspaminami jaho byłaja studentka Volha Machunova.
Raźvitańnie ź Ivanam Afanaśjevym adbudziecca 23 listapada a 11‑j hadzinie ŭ chramie Ivierskaj ikony Božaj maci (Homiel, vuł. Bychaŭskaja 110).
Kamientary