«Było jak ziemlatrus». Ukraina źniščyła vytvorčaść syraviny dla vybuchoŭki ŭ Smalenskaj vobłaści pobač ź Biełaruśsiu
Unačy na 25 lutaha byŭ naniesieny paśpiachovy ŭdar pa chimzavodzie «Darahabuž».
«Ataka doŭžyłasia niekalki hadzin. Tamtejšyja paraŭnoŭvali vybuchovuju chvalu ź ziemlatrusam. U horadzie pierakrytyja darohi, admienienyja zaniatki», — piša rasijski vajenkar, jaki viadzie kanał pad nazvaj «Zapiski vieterana».
Chimzavod «Darahabuž» u Smalenskaj vobłaści — abjekt padvojnaha pryznačeńnia. Jon vyrablaje azotnyja ŭhnajeńni, ale adnačasova jaho amijak i amijačnaja saletra — syravina dla vybuchoŭki.
Zhodna z fotazdymkami, zroblenymi vidavočcami zdareńnia, na terytoryi chimzavoda spałachnuŭ mocny pažar, jaki možna nazirać za niekalki kiłamietraŭ. Aficyjna ŭłady Smalenskaj vobłaści pra ataku ničoha nie paviedamlali.
PAT «Darahabuž» —śpiecyjalizujecca na vytvorčaści azotnych uhnajeńniaŭ i chimpradukcyi. Pradpryjemstva naležyć hrupie «Akron». Ukrainskija drony ŭžo bili pa zavodzie ŭ śniežni 2025 hoda. Tady na abjekcie taksama ŭźnik mocny pažar, adnak abyšłosia biez paciarpiełych.
Pa aficyjnaj infarmacyi, na zavodzie zahinuli 7 čałavieki, ź ich troje ratavalnikaŭ, jość i dziasiatak paranienych. Heta moža śviedčyć pra detanacyju saletry ŭ vyniku ataki.
Taksama jość paviedamleńni pra papadańnie pa Darahabužskaj CEC. U kvaterach u haradžan niama vady.
«A 5—5:30 tut lotali viertaloty, lotali drony adniekul z boku Safonava. My ŭ akno hladzim, lacić bliskučy, pryhažości nieapisalnaj, harać sinija i zialonyja jarkija kvadratam takim, ja dumała, što heta koptar, i lacić prosta na nas, prosta nad našym domam. Ja prysieła, hałavu nakryła. Dumaju, jak zvalicca nam na dach. Tut lotajuć, kružać hetyja bieśpiłotniki, rakietami ich źbivajuć. Strašna vielmi», — raskazała Lentie.ru žycharka Darahabuža.
Siońnia ž USU paviedamili pra źniščeńnie radara kompleksu S-400 u Krymie i ZRK «Pancyr» u Krymie.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary
Darečy, voś choć by hety zavod uhnajeńniaŭ dla "prostych kriesťjan" mirny ci vajenny? Jak tam patłumačać amatary šmatlikich paźniakoŭskich dopisaŭ pra admienu sankcyjaŭ?