Adnapakajoŭku biez azdableńnia ŭ «Minsk-Śviecie» zdajuć za $350
Žyćciom u kvatery biez azdableńnia ŭžo nikoha nie ździviš. Ludzi niejak uładkoŭvajucca ŭ hołych ścienach — jak svaich, tak i arendnych. Časam ździŭlaje tolki cana, jakuju niekatoryja arendadaŭcy ŭstanaŭlivajuć za zdym niehatovych mietraŭ.
Zaraz u «Minsk-Śviecie», jaki słavicca takim typam žylla, zdajecca adnapakajoŭka za $350. Z vyhod — tolki staraja mebla i dyvan. Pry hetym dla budučych kvatarantaŭ jašče i prydumali štrafnuju sistemu, piša Onliner.by.
Kvatera znachodzicca ŭ domie na vulicy Nikoły Tesły, 23. Jana davoli prastornaja — 51 kv. m. Na takoj płoščy možna zanavać vialikuju spalniu i haścioŭniu z kuchniaj. Praŭda, zaraz pieraharodak u kvatery niama. Navat vanny pakoj i tualet nie majuć dźviarej.
Ułaśnik apisvaje pieravahi prapanovy:
— Praviedziena vada, ustalavany tualet i dušavaja kabina, rukamyjnik, pralnaja mašyna, dźvie vialikija kanapy, nievialikaja kuchnia. Ścieny biez ramontu, na padłozie taksama niama pakryćcia.
Źniać takoje askietyčnaje žyllo ŭ arendu možna za $350.
Ale dla tych, chto hatovy žyć u spartanskich umovach, vystaŭleny peŭnyja patrabavańni:
— Damova roŭna na adzin hod. Pry vyjeździe raniej čym praz hod — štraf $350. Pry bolš doŭhaj arendzie cana damoŭnaja. Apłačvajucca pieršy i apošni miesiac.
Kamientary