Sinoptyk Dźmitryj Rabaŭ u efiry telekanała ANT paviedamiŭ, što na nastupnym tydni, z 8 da 14 śniežnia, zimu čakać jašče nie varta. Pavodle jaho słoŭ, nadvorje budzie chutčej vosieńskim: z paŭdniovymi viatrami ŭ krainu praciahnie pastupać ciopłaje pavietra.
Z Zachodniaj Jeŭropy praź Biełaruś buduć prachodzić aktyŭnyja atmaśfiernyja franty, jakija pryniasuć daždžy i mokry śnieh. Tempieratura budzie trymacca kala nula — ad nievialikaha minusa da nievialikaha plusa. Siaredniasutačnyja pakazčyki buduć na 3‑5 hradusaŭ vyšejšyja za klimatyčnuju normu, što adpaviadaje chutčej listapadu, čym śniežniu.
U pačatku tydnia kraina trapić na paŭdniovuju pieryfieryju bałtyjskaha cykłonu. Čakajecca vobłačnaje nadvorje, apadki ŭ vyhladzie daždžu i mokraha śniehu. U načnyja i rannija hadziny miescami mahčymyja tuman, hałalod. Viecier zastaniecca paŭdniovym.
U noč na 8 śniežnia tempieratura składzie ad -2 da +3, udzień — ad +1 da +7. Na 9 śniežnia prahnoz taki: ad 0° na paŭnočnym uschodzie da +8° na paŭdniovym zachadzie.
Bližej da siaredziny tydnia apadki ŭ bolšaści rajonaŭ buduć słabieć i pastupova spyniacca, ale tuman i ślizkaść na darohach pa-raniejšamu vierahodnyja. U noč na 10 śniežnia tempieratura budzie ad -1 da +4, udzień — ad +2 da +8.
U druhoj pałovie tydnia nadvorjem znoŭ buduć kiravać frantalnyja sistemy. U mnohich rehijonach projduć apadki, nočču i ranicaj mahčymyja tuman i hałalod. Unačy 11 śniežnia čakajecca —1…+4, udzień — +4…+9. 12 śniežnia pavietra prahrejecca da +7.
Na vychadnych nad Biełaruśsiu budzie vobłaść pavyšanaha cisku i słabyja franty. Mahčymyja nievialikija karotkačasovyja apadki. Situacyju dapoŭniać tuman i hałalodzica ŭnačy i ranicaj. U noč na 13 śniežnia prahnazujecca -2…+4, udzień — +2…+5. U niadzielu, 14 śniežnia, tempieratura składzie ad 0 da +6 hradusaŭ.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary