Urad Rasii dazvoliŭ Ministerstvu abarony skasavać šerah pahadnieńniaŭ, jakija rehulavali vajskovaje supracoŭnictva z šeraham krain Jeŭrapiejskaha sajuza i Vialikabrytanijaj, piša Deutsche Welle.
Ministerstva abarony Rasii atrymała adabreńnie ŭrada RF na skasavańnie 10 pahadnieńniaŭ ab vajskovym supracoŭnictvie i adnaho adpaviednaha miemaranduma, jakija Rasija zaklučyła z šeraham jeŭrapiejskich krain u pieryjad z 1992 da 2002 hoda. Adpaviednaje rasparadžeńnie było apublikavanaje ŭ piatnicu, 19 śniežnia, na aficyjnym rasijskim partale pravavoj infarmacyi.
U śpisie damoŭ, jakija moža skasavać Ministerstva abarony RF, značacca pahadnieńni ab «supracoŭnictvie ŭ vajennaj śfiery» z takimi krainami, jak Hiermanija, Polšča, Rumynija, Danija, Narviehija, Niderłandy, Charvatyja, Bielhija i Čechija, a taksama miemarandum, układzieny pamiž ministerstvami abarony RF i Vialikabrytanii.
Pahadnieńni, što skasoŭvajucca, byli častkaj pravavoj bazy, jakaja rehulavała dvuchbakovaje vajskovaje ŭzajemadziejańnie pamiž padpisantami, sfarmavanaje paśla raspadu Savieckaha Sajuza.
Kamientary