Bieśpiłotnik upaŭ niepadalok ad Stambuła.
Bieśpiłotnik typu «Arłan-10» upaŭ u pravincyi Kodžaeli, niedaloka ad Stambuła, paviedamlaje MUS Turcyi.
«Byŭ znojdzieny bieśpiłotny latalny aparat, mierkavana rasijskaj vytvorčaści, typu «Arłan-10», jaki vykarystoŭvajecca dla raźviedki i nazirańnia», — havorycca ŭ paviedamleńni viedamstva.
MUS pravodzić rasśledavańnie abstavin zdareńnia.
Jak raspavioŭ haziecie Hurriyet miascovy žychar, bieśpiłotnik upaŭ u sieradu, adnak jon nie paviedamiŭ pra heta adrazu, bo padumaŭ, što ŭ drona jość uładalnik.
Heta ŭžo druhoje paviedamleńnie pra padzieńnie bieśpiłotnika na terytoryi Turcyi na hetym tydni. 15 śniežnia Ministerstva abarony krainy paviedamiła, što tureckija vajskoŭcy źbili «dron, jaki vyjšaŭ z-pad kantrolu», nad Čornym moram.
Pavodle infarmacyi z adkrytych krynic, bieśpiłotniki «Arłan-10» majuć dalokaść palotu da 600 kiłamietraŭ i praciahłaść palotu da 16 hadzin, mohuć nieści nahruzku da piaci kiłahramaŭ, piša Rasijskaja słužba Radyjo Svaboda.
Rasijski bok paviedamleńni pra padzieńnie dronaŭ u Turcyi nie kamientavaŭ.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina15
Kamientary