«Ja tolki za»: Zialenski nazvaŭ hałoŭnyja ŭmovy dla praviadzieńnia vybaraŭ va Ukrainie
Arhanizacyja vybaraŭ va ŭmovach vajennaha času zapatrabuje źmien va ŭkrainskim zakanadaŭstvie.
Prezident Ukrainy zapeŭniŭ, što nie maje namieru trymacca za prezidenckaje kresła. Pra heta jon zajaviŭ u intervju dla PAP, paviedamlaje UNIAN.
Adkazvajučy na pytańnie pra mahčymaść praviadzieńnia vybaraŭ va Ukrainie, jon nahadaŭ, što Rasija pastajanna abstrelvaje cyvilnyja abjekty ŭ jaho krainie.
«Maja reakcyja na sihnały z boku ZŠA była vielmi adkrytaj: ja skazaŭ, što nie maju nijakaha namieru ni pry jakich abstavinach trymacca za prezidenckaje kresła. Viadoma, kali budzie zabiaśpiečanaja mahčymaść praviadzieńnia naležnych, hodnych i demakratyčnych vybaraŭ», — padkreśliŭ ukrainski lidar.
Pavodle słoŭ Zialenskaha, arhanizacyja vybaraŭ va ŭmovach vajennaha času zapatrabuje zakanadaŭčych źmien va ŭkrainskim zakanadaŭstvie:
«Ź inšaha boku, kali spytać ukrainskich hramadzian, ci chočuć jany hetych vybaraŭ i ci hatovyja da ich, to (…) biezumoŭna, usie bajacca praviadzieńnia vybaraŭ u vajenny čas, biezumoŭna, nichto nie moža ŭjavić, jak heta možna zrabić biaśpiečna i sumlenna».
«Adnak ja chaču padkreślić, što kali jość mahčymaść harantavać biaśpieku ludziej na čas praviadzieńnia takich vybaraŭ, kab ludziej prosta nie zabivali, kali jany prychodziać na vybarčyja ŭčastki, to ja tolki za», — dadaŭ jon.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali1
Kamientary
Oj, jak by ja chacieŭ pačuć, što Łukašenka j Pucin kažuć tyja ž słovy j majuć ich na ŭvazie.