U Minsku pradajuć kvateru byłoha pijanista «Pieśniaroŭ». Interjery ŭražvajuć FOTY
Dom sapraŭdy elitny — raniej tut žyŭ dzied Koli Łukašenki. A ciapier u śpisie patencyjnych susiedziaŭ možna pabačyć byłoha chakieista Dźmitryja Mialešku.
U Minsku na prodaž vystavili niezvyčajnuju kvateru. Znachodzicca piacipakajoŭka ŭ dobrym miescy — na Čechava, 3, pobač z muzyčnym kaledžam imia Hlinki. Niepadalok praśpiekt Mašerava i steła. Dom byŭ pabudavany ŭ 2002 hodzie. Staić jon u zakrytym kvartale, dostup da jakoha jość tolki ŭ žycharoŭ. U dvary — vialikaja parkoŭka, dziciačaja placoŭka, zona dla adpačynku. Karaciej, cichi centr jak jon jość.
U abviestcy ab prodažy paznačana, što kvatera maje muzykalnuju historyju. A intryhi dadaje fraza: «Vy dakranieciesia da dziŭnaha śvietu, jaki staŭ častkaj našaj cyvilizacyi, śvietu ciapier halivudskaha kampazitara, a raniej pijanista i aranžyroŭščyka ansambla «Pieśniary».
Imia nie nazyvajecca. Ale vyličyć jaho nie tak składana. Havorka idzie pra Valera Hałaŭko, jaki paśla emihracyi ŭ ZŠA ŭziaŭ siabie imia Łery Hałaŭko.
Naradziŭsia Valer u Homieli. U 1980‑ch hadach pracavaŭ pijanistam i aranžyroŭščykam u lehiendarnych «Pieśniarach».
U intervju mužčyna niejak skardziŭsia, što ŭ «Pieśniarach» nie byŭ realizavany jak kampazitar. Jamu było niecikava hrać ci rabić aranžyroŭki — ale ž hrošy byli patrebnyja.
U vyniku jon zakinuŭ tvorčaść, źjechaŭ u ZŠA i zajmaŭsia biznesam. A viarnucca za pijanina jaho matyvavała trahiedyja — mužčyna razam z žonkaj trapiŭ u avaryju, jana zahinuła, a Valer doŭha adnaŭlaŭsia ŭ balnicy. I voś u hety čas pačaŭ znoŭ pisać muzyku.
Na svaim sajcie Hałaŭko piša, byccam jon adzin ź dzieviaci kampazitaraŭ, jakija atrymali ŭ ZŠA «vizu hienija» i status extraordinary abilities in Arts and Sciences («ekstraardynarnyja zdolnaści ŭ mastactvie i navucy»).
Ale słava jaho pierabolšanaja. Adšukać u amierykanskich miedyja infarmacyju pra ŭdzieł Hałaŭko ŭ niejkich bujnych halivudskich prajektach składana.
U Biełarusi ž kampazitara nie zabyvajuć. Muzyka Hałaŭko hučała, naprykład, u filmie «Dniaproŭski rubiež». Byli ŭ jaho kancerty ŭ Pałacy Respubliki z prezidenckim arkiestram i zorkami ajčynnaj estrady.
U efiry STB kampazitar raskazvaŭ: «Ja nikoli nie pieraryvaŭ adnosiny ź Biełaruśsiu. U mianie byŭ kantrakt z halivudskim łejbłam z 2001 pa 2017 hod. Ale ŭ hady, kali ŭ Štatach išła najbolš intensiŭnaja praca, ja vypuściŭ try vializnyja słavianskija prahramy ŭ Minsku. U hety ž pieryjad u mianie naradzilisia troje dziaciej u Minsku. Tak što suviazi ź Biełaruśsiu zaŭsiody isnavali bolš čym ščylna. Ja nie pieraryvaŭ uzajemaadnosiny z krainaj, jakaja mianie vyhadavała. Ja maju namier žyć tut da kanca svaich dzion, tamu što Biełaruś — najlepšaje miesca dla pražyvańnia».
Ale ž elitnuju nieruchomaść u Minsku Hałaŭko vyrašyŭ pradać.
Ahulnaja płošča piacipakajoŭki — kala 235 kvadrataŭ. Pamier kuchni tut bolšy, čym płošča studyj niedzie ŭ «Minsk-Śviecie» — 30 kvadrataŭ. Haścinaj — 40 mietraŭ.
U pakojach niekali modnyja ružovyja šafy, jarkaja kafla dy ścieny dziŭnych form.
U abjavie paznačana, što ŭsie materyjały, mebla i technika vyklučna elitnyja.
Jość try spalni i pracoŭny kabiniet, try prybiralni i dźvie harderobnyja — adna dla adzieńnia, a druhaja dla abutku. Bonusam idzie i miesca dla parkoŭki.
Ahienctva «Malnar», jakoje pradaje kvateru, źniało navat videaahlad. U im «ahient Rajan» — biełarus u kiłcie, jaki nazyvaje siabie šatłandcam, — raschvalvaje žyllo.
Asabliva «ahient Rajan» akcentuje ŭvahu na rajali Steinway:
— Možna tolki ŭjavić, jakuju hienijalnuju muzyku hrali na hetym rajali. Imavierna, u hetym domie žyŭ intelektuał, jaki paśla doŭhaj pracy hulaŭ u šachmaty. A voś i paćviardžeńnie maich zdahadak: biblijateka z redkimi rarytetnymi vydańniami.
Praŭda, u rukach u hety momant «šatłandziec» trymaje skandalny raman Siarhieja Minajeva «Duchles».
Prosiać za kvateru «halivudskaha kampazitara» $899 tysiač. Jaje pradajuć z krasavika 2025 hoda, ale pakul marna.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA
Viadomaja biełaruskaja biznesvumen — i žonka praŭładnaha błohiera-miljońnika — šukaje arandataraŭ dla svajho katedžu. Košt vaŭ!
Ciešča eks-staršyni SK radykalna pierabudavała katedž u Drazdach. I prosić za jaho $3,3 miljona FOTY
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii20
Kamientary
Za 800k + jevro pusť on sam katajetsia na samokatie po svoim apartamientam, słovno po stadionu - biez okon i dvieriej.
Za eti dieńhi ja łučšie kuplu žilje podostojniej na Łazurkie v Nićcie na Anhlijskoj nabieriežnoj, čiem v unyłom i niesvobodnom Minskie, da jeŝio i po takoj cienie.
P.S. V cienu kvartiry jeŝio vklučił, navierniaka, imia, no ono dla mienia nikakoho značienija nie imiejet.
Jeśli by ja pokupał skripku Stradivari v ličnuju kollekciju, to eto - druhoje dieło.