Kiraŭnik Pientahona pažartavaŭ nakont efiektyŭnaści rasijskich sistem SPA ŭ Karakasie
Ministr abarony ZŠA Pit Chiehset pažartavaŭ z nahody adsutnaści sprob z boku vojskaŭ Vieniesueły adbić nalot avijacyi ZŠA padčas vajennaj apieracyi amierykanskich sił, jakaja zaviaršyłasia zachopam Nikałasa Madura.
Vystupajučy pierad vajskoŭcami na vierfi ŭ Virdžynii ŭ paniadziełak, 5 studzienia, Chiehset pachvaliŭsia tym, što amierykancam udałosia ŭvajści ŭ Karakas biez strat, piša Deutsche Welle.
«Try nočy tamu ŭ Vieniesuele amal 200 našych najlepšych amierykancaŭ uvajšli ŭ centr Karakasa…» — padkreśliŭ Chiehset, adznačyŭšy, što padčas apieracyi nie zahinuŭ nivodzin vajskoviec ZŠA.
«Padobna, tyja samyja rasijskija sistemy SPA spracavali nie nadta dobra, ci nie tak?» — pažartavaŭ jon.
Padčas taho ž vystupleńnia Pit Chiehset zajaviŭ, što ZŠA nie imknucca da kanfliktaŭ ź inšymi krainami, adnak śviet ustupiŭ u «novuju eru kankurencyi zvyšdziaržaŭ». U hetym kantekście amierykanski ministr abarony naŭprost zhadaŭ tolki Kitaj. Pavodle słoŭ Chiehseta, ZŠA «padnimucca, kab adkazać na hety vyklik», i buduć ukaraniać u abaronny siektar technałohii, «jakija spatrebiacca dla daminavańnia ŭ budučych bajavych dziejańniach».
Kamientary