Načalnica słužby ekałahičnaj infarmacyi Biełhidramieta Alena Mielnik padviała papiarednija vyniki manitorynhu pavietra ŭ biełaruskich haradach za 2025 hod.
Ahulnaja karcina aceńvajecca Biełhidramietam jak stabilnaja. Pavietra ŭ bolšaści pramysłovych centraŭ krainy zastajecca adnosna čystym. U haradach z pastajannym kantrolem uzrovień zabrudžvańnia čaściej za ŭsio aceńvajecca jak «vielmi dobry», «dobry» abo «ŭmierany».
Adnak byli i prablemnyja momanty:
Pył. Najbolšaja kolkaść dzion ź pieravyšańniem normy zafiksavanaja ŭ Homieli, Breście i Viciebsku, pikavyja značeńni ŭ Viciebsku dasiahali 3,5 hranična dapuščalnaj kancentracyi. Kamunalnyja słužby pavialičvajuć paliŭ daroh dla źnižeńnia pyłu.
Drobnadyśpiersny pył. Pa hetym pakazčyku vyłučajecca Žłobin — pieravyšeńnie normy było ŭ 19% vypadkaŭ, choć za hod uzrovień trochi źniziŭsia ŭ paraŭnańni z 2024 hodam.
Dyjaksid azotu. Siaredniehadavyja pieravyšeńni adznačanyja ŭ Mahilovie i Žłobinie.
Pryziemny azon. Pieravyšeńni źviazanyja z pryrodnymi faktarami i haračym nadvorjem, čaściej za ŭsio ŭ Breście, Hrodnie, Navapołacku, Połacku i Mahilovie.
Farmaaldehid. Pieravyšeńni byli ŭ 8‑mi nie nazvanych haradach, ale adznačajecca, što ich kolkaść značna skaraciłasia ŭ paraŭnańni ź minułymi hadami, mahčyma, z-za prachałodnaha i niestabilnaha leta.
U toj ža čas u Salihorsku, Baranavičach, Oršy, Babrujsku, Barysavie, Lidzie, Rečycy, Mazyry i Śvietłahorsku pieravyšeńniaŭ hihijeničnych normaŭ nie zafiksavana.
Uzrovień takich niebiaśpiečnych rečyvaŭ, jak bienz(a)piren, śviniec i kadmij u bolšaści haradoŭ, jak śćviardžajecca, zastajecca stabilna nizkim.
Kamientary