Siłaviki zatrymali 19‑hadovaha žychara Pinska, jaki, pavodle MUS, prapahandavaŭ nacyjanał-sacyjalistyčnuju ideałohiju, vioŭ svoj telehram-kanał adpaviednaj tematyki.
Jak paviedamlaje pres-słužba ministerstva, chłopiec pisaŭ paviedamleńni, «nakiravanyja na papularyzacyju i apraŭdańnie nacysckaha režymu», admaŭlaŭ jaho złačynstvy, a taksama prapahandavaŭ ultrapravyja idei.
Akramia taho, piša MUS, pinčuk «zajmaŭsia hieraizacyjaj kałabarantaŭ časoŭ Vialikaj Ajčynnaj vajny, pierajnačvaŭ histaryčnyja fakty i naviazvaŭ aŭdytoryi ŭłasnuju radykalnuju traktoŭku padziej XX stahodździa, abapirajučysia na niepravieranyja, psieŭdanavukovyja i zaviedama sumnieŭnyja krynicy».
Zaviedzienaja kryminalnaja sprava. MUS paviedamlaje, što chłopcu pahražaje da 5 hadoŭ niavoli.
Kamientary