Kolki składuć «padjomnyja» pry pierasialeńni na novaje miesca žycharstva i pracy ŭ sielskuju miascovaść, raskazali ŭ Minpracy.
Padjomnyja buduć roŭnyja dzieviacirazovaj vieličyni biudžetu pražytačnaha minimumu, to-bok 4472,64 rubla ŭ pieryjad z 1 lutaha da 30 krasavika — pry pierasialeńni na novaje miesca žycharstva i pracy ŭ sielskuju miascovaść.
Kali pierasialency — siamiejnaja para, to suma padvojvajecca.
Kab atrymać finansavuju padtrymku, nieabchodna być aficyjna zarehistravanym u słužbie zaniataści jak biespracoŭny. Akramia taho, treba zaklučyć trochbakovuju damovu z orhanam pracy, zaniataści i sacyjalnaj abarony i najmalnikam ab pierajeździe na novaje miesca pracy.
Atrymanaj sumaj možna rasparadzicca na ŭłasnaje mierkavańnie, ale varta pamiatać: tyja, chto skarystaŭsia padtrymkaj, abaviazanyja adpracavać na novym pracoŭnym miescy minimum adzin hod.
Finansavuju dapamohu možna atrymać tolki adzin raz. Schitravać nie atrymajecca: u Biełarusi viadziecca adzinaja baza takich rabotnikaŭ.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary