Muzyčny ansambl «Pieśniary» praz sud u Rasii damohsia skasavańnia tavarnaha znaka, jakim karystałasia inšaja kampanija, zaŭvažyła «Lusterka» ŭ materyjałach rasijskich sudoŭ. Pryčyna — kalektyŭ maje namier sam vypuskać ałkaholnuju pradukcyju pad brendam «Pieśniary».
Raniej brendam karystałasia biełaruskaja firma «Netbiks», jakaja zarehistravała jaho jašče ŭ 2003 hodzie (pieršapačatkova praz maskoŭskuju kampaniju). Heta pieraškadžała ansamblu prasoŭvać ułasnyja tavary i pasłuhi pad hetym imieniem. U vyniku sud u mai 2025 hoda zadavoliŭ pazoŭ muzykaŭ, bo brend try hady nie vykarystoŭvaŭsia.
Ciapier ansambl płanuje razam z kampanijaj «NEF karparejšn» vypuskać harełku pa novych receptach, vyrablenuju na zavodzie «Minsk Kryštal». Etykietki dla pradukcyi ŭžo raspracavanyja i zakazanyja.
Cikava, što tavarny znak «Pieśniary» ciapier naležyć «NEF karparejšn», jakoj vałodaje biznesmien Aleh Ramanaŭ. Hetaja ž kampanija zarehistravała brend «Chutka Smačna» i padała zajaŭku na tavarny znak news.by — miedyjaprajekt dziaržaŭnaj prapahandy.
Takim čynam, ansambl viarnuŭ sabie prava vykarystoŭvać ułasnaje imia i rychtujecca vyjści na rynak ałkaholnaj pradukcyi.
Stała viadoma, kolki atrymajuć biełaruskija artysty za vystupleńnie na načnym kancercie ŭ Bresckaj krepaści
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
Fejsbuk-staronku Lavona Volskaha pryznali «ekstremisckaj»
«Hety fest nie tolki dla kajfu». Arhanizatary fiestyvalu Tutaka raskazali pra sioletnija płany i pierśpiektyvy
Kamientary