Zachodnija śpiecsłužby sumniajucca, što za zamacham na hienierała Alaksiejeva staić Ukraina
Krynicy zachodnich śpiecsłužbaŭ sumniajucca, što za sprobaj zamachu na namieśnika kiraŭnika Hienštaba RF Uładzimira Alaksiejeva staić ukrainskaja dziaržava, piša The Washington Post.
Chacia raniej ukrainskija śpiecsłužby paśpiachova likvidoŭvali vysokapastaŭlenych rasijskich hienierałaŭ, ciapier zachodnija krynicy nie ŭpeŭnienyja ŭ jaje ŭdziele. Asnoŭnaja pryčyna sumnievaŭ — čas, kali hałoŭny načalnik Alaksiejeva, kiraŭnik Hałoŭnaha ŭpraŭleńnia Hienštaba Ihar Kaściukoŭ znachodzicca ŭ Abu-Dabi ŭ składzie rasijskaj delehacyi. Takaja akcyja ŭ hety čas mahła b sarvać pieramovy i razzłavać prezidenta ZŠA Donalda Trampa.
«Jany nanosili padobnyja ŭdary ŭ minułym, ale rabić heta prosta ciapier było b dastatkova pa-varjacku ź ich boku», — havoryć były vysokapastaŭleny pradstaŭnik amierykanskaj raźviedki.
Padobnuju pazicyju zajmajuć i ŭkrainskija krynicy:
«My nie durnyja, paviercie», — skazaŭ były pradstaŭnik ukrainskich śpiecsłužbaŭ, jaki pracavaŭ razam z byłym kiraŭnikom HUR, a ciapier kiraŭnikom Ofisa prezidenta Kiryłam Budanavym.
Ministr zamiežnych spraŭ Ukrainy Andrej Sibiha ŭ kamientary Reuters taksama adchiliŭ lubuju suviaź Ukrainy z zamacham.
U toj ža čas niekatoryja rasijskija kanały vykazvajuć viersiju ŭnutranaha kanfliktu. Alaksiejeŭ viadomy frazaj «Zabirajcie, zabirajcie» padčas miaciažu Jaŭhienija Pryhožyna ŭ červieni 2023 hoda, kali toj patrabavaŭ vydać jamu načalnika Hienštaba Valeryja Hierasimava. Akramia taho, jon moh prykłaści ruku da aryštu kolišniaha namieśnika ministra abarony Cimura Ivanova.
Jak paviedamlaje telehram-kanał «VČK-OHPU», Alaksiejeŭ znachodziŭsia ŭ domie na Vałakałamskaj šašy biez achovy, bo byŭ u kampanii maładoj žančyny z maleńkim dziciom. Aficyjnaj ža žoncy hienierała 63 hady, a ichnim dzieciam za 30. Heta kvatera nie była pastajannym miescam žycharstva Alaksiejeva i razhladałasia jak biaśpiečnaje miesca, dzie hienierała nie pavinny byli znajści.
Taksama paviedamlajecca, što zabojca trapiŭ u padjezd padčas načnoj źmieny achovy, vykarystoŭvajučy kluč ad damafona. Jon nibyta ŭžo zatrymany i razam z pamočnikam vyviezieny z Dubaja ŭ Maskvu.
TASS paviedamlaje, što paśla apieracyi Uładzimir Alaksiejeŭ pryjšoŭ u prytomnaść u balnicy i jaho žyćciu ciapier ničoha nie pahražaje.
U Dubai zatrymali čałavieka, jaki stralaŭ u namieśnika načalnika HRU
Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Spravu daviadziom da kanca
Pa padazreńni ŭ zamachu na hienierała Alaksiejeva adšukvajecca mužčyna
Łaŭroŭ nazvaŭ zamach na hienierała Alaksiejeva sprobaj sarvać pieramovy
Čałaviek, jaki stralaŭ u namieśnika načalnika HRU ŭ Maskvie, prykinuŭsia dastaŭščykam ježy
U Maskvie rasstralali namieśnika kiraŭnika HRU
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary
A pamiatajecie, nievierojatnyje, levaliberały, i ahEntura kazali, što raška budzie ŭsimi praŭdami i niapraŭdami zryvać pieramovy? Što joj usiu historyju było čchać na niejkija dyplamatyčnyja šlachi? Nikoli takoha nie było i voś iznoŭ.
[Zredahavana]