Čałaviek, jaki stralaŭ u namieśnika načalnika HRU ŭ Maskvie, prykinuŭsia dastaŭščykam ježy
«Komiersant» daviedaŭsia padrabiaznaści pra zamach na namieśnika načalnika HRU Minabarony Rasii Uładzimira Alaksiejeva.
Krynicy ŭ pravaachoŭnych orhanach raskazali, što kala siomaj hadziny ranicy hienierał-lejtenant, jak zvyčajna, vyjšaŭ z kvatery ŭ domie na Vałakałamskaj šašy, kab pajechać na pracu. Unizie jaho čakała słužbovaja mašyna z kiroŭcam.
Na placoŭcy spadar Alaksiejeŭ sutyknuŭsia z mužčynam, jaki, pavodle papiarednich danych, trapiŭ u dom, vydajučy siabie za dastaŭščyka ježy.
Złačynca paraniŭ hienierała ŭ ruku i nahu, a kali toj sprabavaŭ adabrać u jaho pistalet, jašče i ŭ hrudzi. Aktyŭny supraciŭ vajskoŭca nie dazvoliŭ napadniku dabić jaho, adznačaje krynica.
Hienierał znachodzicca ŭ reanimacyi ŭ ciažkim stanie, bo adna z kul začapiła žyćciova važnyja orhany.
Pavodle papiarednich źviestak, pravaachoŭniki majuć prykmiety napadnika, jaho fota i videa, tamu jość usie šancy jaho chutka zatrymać.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary