«Bro, nie kuplaj sabie bulbiany miašok — idzi ŭ zału»: biełaruski viadučy TNT raskrytykavaŭ mužčynskija kaściumy oviersajz
Biełaruski šoŭmien Alaksandr Sierykaŭ pracuje viadučym na telekanale TNT international. Sam siabie mužčyna nazyvaje «biudžetnym Džoni Depam». Niadaŭna jon vyrašyŭ raskrytykavać mužčynskija kaściumy oversize, ale ŭ vyniku raskrytykavali Alaksandra.
Svoj kryk dušy Alaksandr apublikavaŭ u Threads: «Nakipieła. Jak mužčyna, jaki časta nosić kaściumy, u tym liku i smokinhi, zaŭvažu — vaš hety oviersajz — poŭnaja ch*ia i ŭb*va. Navat na poŭnych mužčynach dobry padabrany kaścium budzie hladziecca stylna i kruta. I tak, bro, nie kuplaj sabie bulbiany miech — idzi ŭ zału. I druhoje, što z*ła jašče macniej — krasoŭki pad kaścium nosiać tolki ludzi biez hustu, viasielnyja tamady i KVZšniki. Kupiŭ kaścium — kupi i tufli. Prabačcie za dušnatu, nakipieła. Prosta paraŭnajcie dva fota. Na druhim — ja».
Dopis vyklikaŭ rezanans. Ale absalutnaja bolšaść kamientataraŭ z šoŭmienam nie pahadziłasia. Samy papularny kamientar, jaki nabraŭ 1,6 tysiačy łajkaŭ, taki: «Dziakuj za fota! My nahladna ŭbačyli, što vaša mierkavańnie subjektyŭnaje i nie maje ničoha ahulnaha z realnaściu. Heta značyć, što chłopiec u oviersajz na pieršym fota vyhladaje našmat lepš, čym chłopiec na druhim».
Šmat chto paličyŭ, što kaścium Alaksandra nie pa raźmiery jamu: «U*va — heta padstrelenyja rukavy na pinžaku, jak na druhim fota. Vy jaho z vypusknoha nosicie i nijak novy bolš aktualny i pa pamiery nie kupicie?».
Adzin z kamientataraŭ adznačyŭ, što Black Tie darečny nie ŭsiudy i nie zaŭsiody. «Nu dyk davajcie z takim padychodam usich u kamzoły i hulfiki, i čaravik parčovy z bancikam», — iranična dadaŭ mužčyna.
Asabliva ŭvažlivyja kamientatary źviarnuli ŭvahu i na Apple Watch na ruce viadučaha — bo spartyŭny hadzińnik nie vielmi pasuje da kłasičnaha kaściuma.
Niechta nie zalenavaŭsia vyvučyć sacyjalnyja sietki šoŭmiena: «Spakojna, ludzi. Nam za styl raskazvaje čałaviek, jaki nosić koftu Betera».
Sam ža Alaksandr na krytyku, zdajecca, pakryŭdziŭsia. Jon piša, što jaho kaścium sšyli na zamovu. A ŭ tych, kamu padabajecca pieršaje fota, niama hustu i stylu.
Kamientary
Nievydumannyje istorii o kotorych nievozmožno mołčať.