Stylistka Vijoła Zamiroŭskaja vyznačyła top-5 samych modnych biełarusak na jaje pohlad — u kamientarach mnohija pahadzilisia z vybaram błohierki i prapanavali jašče paru kandydatak na zvańnie «Mis Styl».
Śpis adkryvaje pradmietnaja fatohrafka i maci Nastaśsia Samojłavič, jakaja adznačajecca svaim umieńniem źmiešvać, zdavałasia b, zusim nie spałučalnyja rečy i być harmaničnaj u svaim stylistyčnym maksimaliźmie ci, naadvarot, minimaliźmie. «Jana b mahła być ministarkaj eklektyki», — zaŭvažaje Vijoła.
«Toje, jak jana ŭmieje pracavać ź luksam u harderobie, — vy musicie hetamu pavučycca».
Dalej stylistka nazyvaje madel Karynu Momat — «kvintesencyja žanockaści i spakojnaj upeŭnienaści».
«Heta čałaviek, jaki ŭsio žyćcio nosić svoj aŭtentyčny styl», — kamientuje Vijoła.
Dalej idzie influensierka Jaŭhienija Prut, jakaja vydatna pracuje abliččam, jakoje pryniata ličyć niestandartnym.
«A jašče jana ŭmieła siače praporcyi».
Uklučyli ŭ top i vizažystku Žannu Cocozhannel — za jaje zdolnaść pryhoža napłastoŭvać roznyja pradmiety z harderoba i vyhladać lohka, pa-jeŭrapiejsku, nibyta jana ni siekundy nie dumała, što siońnia apranuć.
Zakryvaje top stylistki vykładčyca johi Kaciaryna Astngalien.
«Toj vypadak, kali styl absalutna łahična praciahvaje žyćciovuju liniju čałavieka. I toje, jak jana prapracavała partretnuju zonu, zdajecca, nie paraŭnać ni z čym».
U kamientarach adrazu niekalki biełarusaŭ dadatkova źviarnuli ŭvahu na toje, što kajfujuć ad enierhii i vobrazaŭ ajcišnicy Darji Biełanoŭskaj.
Taksama ludzi natchniajucca łukami pradziusarki Ksienii Čartovič.
Mnohija vyłučyli i stylistku Liju Rumo, što nie dziŭna: umieńnie jarka i harmanična apranacca — heta jaje prafiesija.
«Hermes takoha nie čakaŭ». Biełaruski znachodziać u «Hałantei» anałahi sumak luksavych brendaŭ za śmiešnyja hrošy
Top biełaruskich švedraŭ na luby hust — z Paleśsiem, słuckimi pajasami ci lalkami-abiarehami
Jak kambinavać rečy z nacyjanalnymi matyvami z sučasnymi? Idei ad modnych biełarusak i biełarusaŭ
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy4
Kamientary