Studenty staličnaha kaledža industryi mody vyrašyli adradzić kulturu biełaruskaha nacyjanalnaha kaściuma. U pryvatnaści — bahatuju spadčynu šlachieckaj mody.
Pra kalekcyju piša ahienctva «Minsk-Naviny».
Idejny natchnialnik prajektu — Natalla Vojnava, vykładčyca śpiecpradmietaŭ i kiraŭnica abjadnańnia pavodle intaresaŭ «Moda i styl». Jana tłumačyć, što ŭzory eskizaŭ i pryncypy pracy z histaryčnymi ŭborami kamanda brała z navučalnych kursaŭ kaledža.
«U nas jość pradmiet «Historyja stylaŭ u mastactvie i kaściumie», na jakim navučency daskanała vyvučajuć asablivaści kampazicyi ŭ tym liku šlachiecka-mahnackaj mody, — raskazvaje Natalla. — Na sarmackich partretach adlustravana, jak apranalisia našy prodki».
Kalekcyja ŭboraŭ biełaruskaj šlachty stała druhoj. Pieršaja ekspazicyja pryśviečanaja narodnamu viasiellu.
«My chacieli pakazać, što ŭ XV—XVII stahodździach u nas była nie tolki sialanskaja, ale i jarkaja arystakratyčnaja moda», — kaža vykładčyca.
Vobraz Barbary Radzivił demanstruje zapazyčańnie niamieckaj mody, tvorča pieraasensavanaj biełaruskimi majstrami. Ubor «Bona Sforca» adpaviadaje ispanskaj modzie: tuhi plisiravany kaŭnier harhiery i karkasnaja spadnica vierciuhaden. Mužčynskija kaściumy — kuntušy i župany — najbližejšyja da taho, što nasiła zamožnaja biełaruskaja šlachta. Hałoŭny elemient — słuckija pajasy.
Alaksandra Šyła, navučenka 4‑ha kursa kaledža, udzielničała ŭ stvareńni kaściuma Barbary Radzivił.
«Patrabavałasia damahčysia vizualnaha padabienstva ź jaje sukienkaj na partrecie. Mnohaje rabili ŭručnuju: vyšyŭka, farmavańnie składak dla abjomu. Byli i niaŭdačy: kanstrukcyja nie supadała z vyjavaj. Ale my nie imknulisia da absalutnaj kopii, a chacieli pieradać duch epochi», — raskazvaje studentka.
«Našy stroi kaštujuć ad 630 da 800 rubloŭ — heta ŭ 10 razoŭ nižej za rynačny košt na padobnyja histaryčnyja rekanstrukcyi. Adnak heta nie masavy tavar — takoje adzieńnie pryznačanaje nie dla šarahovych pakupnikoŭ, a dla ŭstanovaŭ kultury», — raskazvaje aŭtarka prajektu i supracoŭnica kaledža Nastaśsia Pazdniakova.
Kaściumy z kalekcyi biełaruskaj šlachty ŭžo paśpieli pabyvać na staličnych vystavach da Dnia horada. Hety prajekt pieramoh na haradskim konkursie «Minskaja źmiena» ŭ naminacyi «Najlepšy prajekt u śfiery kultury i mastactva».
-
«Bro, nie kuplaj sabie bulbiany miašok — idzi ŭ zału»: biełaruski viadučy TNT raskrytykavaŭ mužčynskija kaściumy oviersajz
-
Luksavy italjanski brend Miu Miu vypuściŭ kalekcyju, jakuju paraŭnali z chałatami z CUMa
-
Rost cen na srebra prymusiŭ papularnaha vytvorcu juvielirnych vyrabaŭ Pandora pierajści na płacinu
Kamientary
Ja navat zhodzien, kab čynoŭniki-jabaćki ŭ takich kaściumach na mierapryjemstvach śviaty adkryvali i lentački pierarazali.