Na fiestyvali «Bieraściejskija sani» ŭ Breście vypiekli hihancki piroh i zvaryli vializny kazan šurpy
Hałoŭnaj placoŭkaj tradycyjnaha abłasnoha fiestyvala «Bieraściejskija sani — 2026» stała nabiarežnaja raki Muchaviec u Breście, dzie pracavała bolš za 100 punktaŭ charčavańnia.
Dla fiestyvalu majstry pradpryjemstva «Bieraściejski piekar» pryhatavali dvuchjarusny śviatočny piroh vahoj 115 kh i dyjamietram 3 mietry. Dla jaho vypiakańnia patrebna było 100 kh pšaničnaj muki, 57 litraŭ vady, 13 kh cukru, 9 kh marharyna, 6,5 kh draždžej i 1,2 kh soli. Staršynia Bresckaha abłvykankama Piatro Parchomčyk ułasnaručna dapoŭniŭ dekor piraha cukrovaj pudraj.
Na inšaj placoŭcy śpiecyjalisty «Bresckaha miasakambinata» pryhatavali samuju vialikuju porcyju šurpy, jakaja kali-niebudź hatavałasia ŭ Biełarusi, u kazanie abjomam 850 ł, pryviezienym z Uźbiekistana. Na stravu pajšli 200 kh miasa, 100 kh bulby, 30 kh morkvy, 15 kh cybuli, 15 kh pamidoraŭ, 10 kh bałharskaha piercu, 1 kh piercu čyli, 5 kh kropu i 3 kh kinzy. Šurpu varyli niekalki hadzin ad samaha ranku, a dehustavaŭ jaje toj ža Piatro Parchomčyk. Paśla paspytać stravu moh kožny achvotny.
Siarod inšych mierapryjemstvaŭ u Breście taksama praviali śviatočnaje šeście.
Sa staradaŭniaj Pałykavickaj krynicy zabaranili pić: jaje niekali hajučaja vada ciapier moža zabić
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
«My prasiaknutyja spantannaściu». Kampanija siabroŭ vykupiła ceły vahon, kab sustreć Novy hod u ciahniku da Bresta
U Homieli para zarehistravała svoj šlub u kaściumach Dzieda Maroza i Śniahurki
Kamientary