Kala doma №19 na vuł. 50 hod Kastryčnika ŭžo kala troch tydniaŭ «raduje voka» haračaja krynica. Žycharka Smalavičaŭ aburajecca: «Nijakich rabot nie pravodzicca, prosta praliŭ haračaj vady. Chto za heta budzie płacić i čamu nie prymajucca nijakija miery?»
U Smalavickim ŽKH «Smalavickamu kraju» patłumačyli, što na hetym učastku ciepłasietki adbyłasia surjoznaja avaryja: raskolina na trubapravodzie z haračaj vadoj, jakaja vykarystoŭvajecca dla aciapleńnia.
Niahledziačy na raskopku i ŭstanoŭku ramontnaha chamuta całkam spynić uciečku nie ŭdałosia. Chamut prapuskaje vadu, što patrabuje bolš kapitalnaha ramontu.
Klučavoj pryčynaj pieranosu rabot stali nizkija tempieratury. Zaraz kamunalniki vykarystoŭvajuć časovy chamut, jaki dazvalaje sistemie pracavać, choć i z defiektam.
«Kab nie adklučać ludziej ad aciapleńnia i haračaj vady, my ciapier ramont nie pravodzim», — adznačyli ŭ ŽKH.
Łohika dziejańniaŭ słužbaŭ nastupnaja: dla likvidacyi raskoliny nieabchodna całkam adklučyć i źlić učastak ciepłatrasy. Rabić heta ŭ marazy vielmi ryzykoŭna — piać damoŭ i škoła mohuć chutka astyć, što pryviadzie da mahčymych nadzvyčajnych situacyj (razmarožvańnie ŭnutranych sistem, rezkaje panižeńnie tempieratury ŭ pamiaškańniach).
Tamu pryniata rašeńnie dačakacca paciapleńnia — tady adklučeńnie ciapła budzie mienš niebiaśpiečnym dla žycharoŭ, i ramont možna budzie pravieści ź minimalnymi nastupstvami.
Čamu YouTube vydaliŭ kanały BiełTA, STB i ANT? Voś što viadoma11
Kamientary