«Usio pradali ŭ Rasiju?» Ź biełaruskich kram źnik papularny pradukt
U apošnija tydni čytačy zaŭvažyli anamalny popyt na hrecki johurt, asabliva biez dadatkaŭ — jaho akazałasia składana znajści navat u bujnych kramach. Miarkujučy z abmierkavańniaŭ u Threads, prablema zakranuła nie tolki Minsk, ale i inšyja harady. «Anłajnier» daviedaŭsia, kali pradukt znoŭ źjavicca ŭ prodažy.
U sacsietkach karystalniki padajuć roznyja viersii — ad «usio pradali ŭ Rasiju» da deficytu syraviny i masavaha pierachodu ludziej na pravilnaje charčavańnie napiaredadni viasny. Jašče adna viersija — pradukt raskupili paśla taho, jak staŭ virusnym desiert z hreckaha johurta i piečyva, jaki nazyvajuć «japonskim čyzkiejkam».
«Kudy źnik hrecki johurt «Teas»? Paśla hučnaha trendu ŭ instahramie johurt źnik z palic kram. Ciapier jaho zavoziać radziej i kropkava, čaściej za ŭsio ź niejkimi smakami, kłasičny bieły składana znajści. Mnie pisali pra dastaŭku i peŭnyja adrasy kram, ale mnie chočacca, jak raniej, kuplać jaho biez napruhi ŭ najbližejšaj kramie», — dzielacca pakupniki.
Niekatoryja čytačy adznačajuć, što prablema nie abmiažoŭvajecca adnym brendam. Z palic źnikli hreckija johurty roznych vytvorcaŭ: pradukcyju «Babulinaj krynki» ciapier taksama składana znajści, a hrecki johurt Rahačoŭskaha małočnakansiervavaha kambinata ŭ Minsku i raniej źjaŭlaŭsia nierehularna — ciapier ža jaho amal nie sustreć.
U kampanii «Savuškaŭ» karespandentu «Anłajniera» paćvierdzili pavyšany popyt i adznačyli, što raźličvajuć na stabilizacyju pastavak užo z sakavika. Pry hetym viersiju, što pradukt źnik z-za pavieličeńnia ekspartu, tam abviarhajuć.
«Viadoma, my viedajem pra ažyjataž u sacyjalnych sietkach, vyklikany adsutnaściu naturalnaha johurta Teos na palicach handlovych sietak. Adrazu chočam abvierhnuć zdahadki niekatorych karystalnikaŭ pra toje, što pryčyna adsutnaści johurta — pavieličeńnie ekspartnych pastavak. Heta nie tak. My nie źnižali abjomy vytvorčaści i pastavak u handlovyja sietki», — paviedamili ŭ kampanii.
Pavodle słoŭ vytvorcy, luty i sakavik — čas tradycyjna pavyšanaha popytu na vysokabiałkovyja pradukty. U hety pieryjad mnohija viartajucca da trenirovak u spartzale i pierahladajuć svoj racyjon na karyść pravilnaha charčavańnia, tamu johurt litaralna źmiatajuć z palic.
«Padobnaja situacyja ŭ pačatku 2025 hoda była ź miakkim tvarahom «Savuškaŭ», za jakim palavali prychilniki zdarovaha ładu žyćcia pa ŭsioj krainie. Uzmacniŭ popyt i kulinarny trend: tysiačy i tysiačy ludziej usio jašče palujuć za johurtam, kab pryhatavać «lanivy» čyzkiejk, recept jakoha staŭ virusnym u internecie».
U Baranavičach ludzi haniajucca za tannymi johurtami, ale nie ŭsim ščaścić ich zdabyć
«Savuškavu» prapanavali pabudavać pieršy zavod u Rasii
Ad šakaładnaha syru da vohniennych burhieraŭ: jakija navinki źjavilisia ŭ Biełarusi
Va Ukrainie na rynku zaŭvažyli masła, vielmi padobnaje da biełaruskaha
Rasija ŭsio prahłynaje: vyručka miasnych i małočnych zavodaŭ stavić rekordy
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary