Niekatoryja marki cyharet padaražejuć u Biełarusi z 1 sakavika. Pra heta paviedamili ŭ Ministerstvie pa padatkach i zborach.
Siarod pradukcyi Hrodzienskaj tytuniovaj fabryki «Nioman» na 45—50 kapiejek padaražejuć cyharety RB Perliamutr, na 40—45 kapiejek — niekatoryja vidy Rigins Original (Special, Aurum, Red), na 30—45 kapiejek — Dove, na 10 kapiejek — Kent Crystal Blue i niekatoryja vidy Rothmans. Ceny na cyharety NZ Charm Rubi Kampakt ustanoŭleny ŭ pamiery 5,25 rub., Rigins Original Blue — 4,5 rub., na roznyja vidy Red Bor — ad 4,25 da 4,4 rub.
U liniejcy pradukcyi TAA «Tytuń-inviest» na 10 kapiejek vyrastuć ceny cyharet Kent Crystal Blue i Rothmans Blue, a taksama na Lucky Strike.
TAA «Inter Tabaka» taksama padymaje ceny na niekatoryja vidy cyharet Dove (na 40—45 kapiejek), na niekatoryja vidy Red Bor, RB Perliamutr i Rigins Original (na 45 kapiejek).
Z cyharet, jakija vyrablajucca TAA «Sientoni PRA», na 10 kapiejek pavialičycca cana Kent Crystal Blue i Rothmans Blue, a taksama niekatorych vidaŭ Lucky Strike.
Ceny na pradukcyju ITAA «Alidzi-Viest» taksama padymucca, u pryvatnaści, na 10 kapiejek na cyharety Dunhill, Rothmans, niekatoryja vidy Kent i Lucky Strike.
Što tyčycca TAA «Eterna Prajm», to padaražejuć na 10 kapiejek niekatoryja vidy Kent, Rothmans i Lucky Strike.
Siarod tych, što ŭvoziacca na terytoryju krainy dziaržaŭnym pradpryjemstvam «Biełaruśhandal», na 10 kapiejek stanuć daražejšymi niekatoryja vidy cyharet Dunhill, Kent, Rothmans i Lucky Strike.
Biełaruskija vytvorcy i imparciory cyharet majuć prava štomiesiac dekłaravać maksimalnyja roźničnyja ceny na tytuniovyja vyraby.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ44
Kamientary
Šmat chto budzie ŭdziačny .
Kab tanna było .