Śviatłana Cichanoŭskaja nazvała biełarusak, jakija stali dla jaje prykładam
«Mianie natchniajuć tyja, chto nie apuskaje ruk».
U Śviatłany Cichanoŭskaj «Biełsat» spytaŭ, ci jość biełaruski, jakija asabliva paŭpłyvali na jaje abo jakich jana ličyć važnymi prykładami dla krainy.
— Biezumoŭna, na mianie paŭpłyvali mnohija biełaruski. Heta nie abaviazkova tyja, kaho možna nazvać prykładam dla ŭsioj krainy, ale dla mianie asabista — tak. Svaimi ŭčynkami, čałaviečnaściu. Naprykład, babula Ania (Hanna Kanavałava). Kali baćki jaje ŭnukaŭ apynulisia ŭ turmie, jana spačatku ŭziała na vychavańnie ich, a potym jašče i inšych dziaciej, u jakich uźnikli prablemy z baćkami. Dla mianie heta prykład adkaznaści i lubovi.
Vialikaje ŭražańnie na mianie zrabiła i Marharyta Laŭčuk — svajoj enierhijaj, adkrytaściu i pazityvam. Kacia Snycina taksama natchniaje: jaje inicyjatyva hulać u baskietboł abjadnała ludziej i stvaryła supolnaść.
Mianie ŭvohule vielmi natchniajuć ludzi, jakija nie apuskajuć ruk: Iryna Maklejn, Halina Kazimiroŭskaja z «Volnaha choru», Kacia Andrejeva, Natalla Pinčuk — pieraličyć usich niemahčyma.
Tamu, napeŭna, lepš skazać tak: mianie natchniajuć usie biełaruski, jakija, niahledziačy na ciažkaści, nie adčajvajucca i praciahvajuć rabić svaju spravu, — adkazała Cichanoŭskaja.
Cichanoŭskaja adznačyła, što vydatnych žančyn u našaj historyi i sučasnaści stolki, što luby śpis budzie niespraviadlivym.
— Zaŭsiody ŭźniknuć pytańni: čamu mienavita jana? Čamu pra inšuju zabylisia? — kaža Śviatłana.
Dla jaje važna, havoryć jana, pryznavać układ kožnaj.
— Usie biełaruski vielmi roznyja, i heta nie moža nie zachaplać. I mnie b vielmi chaciełasia, kab kožnaja zrazumieła, jakaja jana kłasnaja, cikavaja, talenavitaja i niepaŭtornaja, — kaža Cichanoŭskaja.
-
Zabity ŭ Polščy rasijski mastak adnu z karcin pradaŭ za $20 tysiač i zadanaciŭ USU, a apošnija miesiacy atrymlivaŭ pahrozy paśla taho, jak pačaŭ vyśmiejvać Kadyrava
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy31
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Raŭniajciesia na jaje, darahija žančyny!
Zaŭsiody hałoŭnaje i zaŭsiody pa-ludsku.
Maje vinšavańni!