Ursuła fon der Lajen nazvała admovu ad atamnaj enierhietyki stratehičnaj pamyłkaj
Emanuel Makron zaklikaŭ pašyryć finansavańnie atamnaj enierhietyki i pastavić jaje ŭ adzin šerah z adnaŭlalnymi krynicami enierhii.
Kiraŭnica Jeŭrapiejskaj kamisii Ursuła fon der Lajen zajaviła, što admova šerahu krain ad atamnaj enierhietyki była «stratehičnaj pamyłkaj». Pra heta jana skazała na samicie pa atamnaj enierhietycy ŭ Francyi, dzie taksama abviaściła pra płany ES vydzielić kala 200 młn jeŭra harantyj dla pryvatnych inviestaraŭ, jakija ŭkładvajuć srodki ŭ novyja jadziernyja technałohii, paviedamlaje Bild.
Pavodle jaje słoŭ, hetyja srodki «buduć vydzieleny z dachodaŭ sistemy handlu vykidami».
Prezident Francyi Emanuel Makron zaklikaŭ pašyryć finansavańnie atamnaj enierhietyki i pastavić jaje ŭ adzin šerah z adnaŭlalnymi krynicami enierhii.
«My pavinny zabiaśpiečyć padtrymku novych jadziernych prajektaŭ tak ža, jak padtrymlivajem adnaŭlalnuju enierhietyku», — zajaviŭ jon.
Makron taksama vystupiŭ za paskoranaje raźvićcio małych modulnych reaktaraŭ i adznačyŭ, što ZŠA, Kanada i Kitaj užo aktyŭna prasoŭvajucca ŭ hetaj śfiery.
Francuzski lidar padkreśliŭ nieabchodnaść bolš ciesnaha enierhietyčnaha supracoŭnictva ŭ Jeŭropie i stvareńnia ahulnaha rynku elektraenierhii biez vykidaŭ.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES17
Kamientary
https://ru.wikipedia.org/wiki/%D0%A3%D1%80%D0%B0%D0%BD-235#/media/%D0%A4%D0%B0%D0%B9%D0%BB:Uranium-235_fission_products_yields_log_scale.png
I adkažycie sabie sami, ci źjaŭlajecca reaktar biez paskaralnika tym typam reaktaraŭ, jakija vyrašajuć hałoŭnuju prablemu jadziernaj enerhietyki - adkidy.
Jak ža tak? Vy ž 20 hod zapar kazali inšaje! Moža praz paru hod prydzie čas, i vykažycie, sto niama baćkoŭ numar adzin i dva, a isnujuć tolki maci i baćka?