U Minsku prapanujuć uziać u biaspłatnuju arendu 26 abjektaŭ kamunalnaj nieruchomaści. Pra heta paviedamili ŭ kamitecie dziaržaŭnaj majomaści Minharvykankama, piša ahienctva «Minsk-Naviny».
Hetyja pamiaškańni možna atrymać u biazvypłatnaje karystańnie, ale pry ŭmovie zaklučeńnia damovy i stvareńnia novych pracoŭnych miescaŭ. Takaja miera pryznačanaja dla taho, kab źmienšyć kolkaść pustych budynkaŭ i adnačasova padtrymać mały i siaredni biznes.
Śpiecyjalisty kamiteta kožny miesiac analizujuć, jakija pamiaškańni nie vykarystoŭvajucca abo nie zdajucca ŭ arendu. Paśla hetaha častku ź ich prapanujuć pradprymalnikam biaspłatna, ale z abaviazkam raźvićcia biznesu i stvareńnia pracoŭnych miescaŭ.
Pieravažna prapanujucca izalavanyja pamiaškańni, jakija znachodziacca ŭ padvałach abo na pieršym i druhim pavierchach žyłych damoŭ u roznych rajonach Minska. Častka ź ich užo maje nieabchodnyja kamunikacyi — aciapleńnie, elektryčnaść i vadu, ale niekatoryja patrabujuć ramontu.
Samy vialiki abjekt znachodzicca ŭ Partyzanskim rajonie na vulicy Vaniejeva. Heta častka pamiaškańnia ŭ padvale žyłoha doma płoščaj kala 316 kvadratnych mietraŭ. Samyja maleńkija — dva pamiaškańni na pieršym paviersie doma na praśpiekcie Niezaležnaści ŭ Pieršamajskim rajonie, płoščaj kala 12 kvadratnych mietraŭ.
Padrabiaznuju infarmacyju pra hetyja i inšyja abjekty, a taksama ŭmovy ich atrymańnia možna znajści na aficyjnym sajcie Minharvykankama ŭ raździele biznes-partała, pryśviečanym arendzie pamiaškańniaŭ za 0 rubloŭ.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary