У Мінску прапануюць узяць у бясплатную арэнду 26 аб’ектаў камунальнай нерухомасці. Пра гэта паведамілі ў камітэце дзяржаўнай маёмасці Мінгарвыканкама, піша агенцтва «Мінск-Навіны».
Гэтыя памяшканні можна атрымаць у бязвыплатнае карыстанне, але пры ўмове заключэння дамовы і стварэння новых працоўных месцаў. Такая мера прызначаная для таго, каб зменшыць колькасць пустых будынкаў і адначасова падтрымаць малы і сярэдні бізнэс.
Спецыялісты камітэта кожны месяц аналізуюць, якія памяшканні не выкарыстоўваюцца або не здаюцца ў арэнду. Пасля гэтага частку з іх прапануюць прадпрымальнікам бясплатна, але з абавязкам развіцця бізнэсу і стварэння працоўных месцаў.
Пераважна прапануюцца ізаляваныя памяшканні, якія знаходзяцца ў падвалах або на першым і другім паверхах жылых дамоў у розных раёнах Мінска. Частка з іх ужо мае неабходныя камунікацыі — ацяпленне, электрычнасць і ваду, але некаторыя патрабуюць рамонту.
Самы вялікі аб’ект знаходзіцца ў Партызанскім раёне на вуліцы Ванеева. Гэта частка памяшкання ў падвале жылога дома плошчай каля 316 квадратных метраў. Самыя маленькія — два памяшканні на першым паверсе дома на праспекце Незалежнасці ў Першамайскім раёне, плошчай каля 12 квадратных метраў.
Падрабязную інфармацыю пра гэтыя і іншыя аб’екты, а таксама ўмовы іх атрымання можна знайсці на афіцыйным сайце Мінгарвыканкама ў раздзеле бізнэс-партала, прысвечаным арэндзе памяшканняў за 0 рублёў.
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная16
Каментары