«Ja vielmi ščaślivaja». Kalehi źviazalisia z Kaciarynaj Andrejevaj
Žurnalistam «Biełsata» ŭžo ŭdałosia parazmaŭlać sa svajoj žurnalistkaj Kaciarynaj Andrejevaj, jakuju vyzvalili 19 sakavika razam ź jašče 249‑ciu palitviaźniami, adrazu vysłaŭšy ŭ Litvu.
«Dziakuj za toje, što vy sustrakajecie mianie. Ja vielmi taksama ŭściešanaja, što ja na voli, vielmi ščaślivaja. Dziakuj usim, chto namahańni dla hetaha prykładaŭ. Nas vielmi ciopła sustreli. Budu adaptavacca pacichu. Nu i da chutkaj sustrečy», — skazała pa telefonie Kaciaryna Andrejeva.
Kaciaryna Andrejeva (Bachvałava) naradziłasia ŭ 1993 hodzie. Paśla škoły pastupiła ŭ MDŁU, ale na trecim kursie źjechała vałanciorkaj u Ispaniju, dzie praviała dva hady. Paśla viartańnia na radzimu vyrašyła praciahnuć siamiejnuju dynastyju i zaniacca žurnalistykaj. Jaje dziadula — viadomy žurnalist Siarhiej Vahanaŭ. Pracavała na «Radyjo Svaboda», na «Biełsacie».
Kaciarynu aryštavali ŭ listapadzie 2020 hoda. Jana nie viarnułasia dadomu z Płoščy Pieramienaŭ, adkul viała dla «Biełsata» žyvy efir. Andrejevu i apieratarku Darju Čulcovu puścili da siabie na bałkon žychary doma, adnak siłaviki ŭziali šturmam kvateru. Na dziaŭčat zaviali kryminalnuju spravu i prysudzili pa 2 hady źniavoleńnia za «ŭdzieł» u pratestach.
Adnak kali Darja Čulcova vyjšła pa skančeńni terminu, to na Kaciarynu Andrejevu zaviali novuju kryminałku — za «zdradu dziaržavie». Ahułam žurnalistka atrymała 8 hadoŭ i 3 miesiacy źniavoleńnia.
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ
Śpis palitviaźniaŭ, vyzvalenych 19 sakavika
«Vialikaja radaść i palohka na sercy». Śviatłana Cichanoŭskaja pryvitała vyzvaleńnie palitviaźniaŭ
Mikoła Statkievič: Vitaju vas na voli! Vy — honar i sumleńnie našaj nacyi!
Džon Koŭł apublikavaŭ FOTA z vyzvalenymi palitviaźniami, departavanymi ŭ Litvu
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach8
Kamientary