Lehiendarnyja «Chutka-Smačna» jašče isnujuć i karystajucca papularnaściu
Dynazaŭry biełaruskaha hramadskaha charčavańnia zachavalisia ŭ Viciebsku.
Tut pracuje šeść kropak: čatyry paviljony, u jakija možna zajści, i dva kijoski. Adznaki ŭ anłajn-kartach — ad 3,8 da 4,3. Ab'jadnoŭvaje ich adno: toj samy pryncyp kruhłasutačnaj pracy, piša Onliner.by.
Darečy, u paviljony nočču ŭvachod zakryty, zakazy vydajuć praź śpiecyjalnaje akienca. Kijoski bolš nie biełyja, pazbavilisia šyldaŭ i zvykłaha arnamientu. Etap «Aranžavy — chit siezona» taksama ŭ minułym. Ciapier jany ciomna-šeryja z bardova-załatym nadpisam.
Spačatku kijosk kala Smalenskaha rynku. Ranicaj u budny dzień tut maksimalna spakojna. Para studentaŭ zabiahaje pa raspuščalnuju kavu. Ale na złatku z chot-doham bolš nichto nie pretenduje.
Na vitrynie — mieniu kankretna hetaha dnia. U najaŭnaści jość usio: bolš za 25 pazicyj hatovych straŭ — ad picy i hamburhiera da blinoŭ i bielašoŭ. Najdaražejšaje — «Katleta pa-kijeŭsku smažanaja» — 5,50, samaje tannaje — piražki z pavidłam, kapustaj abo rysam i jajkam pa rubli, a voś ź viandlinaj i syram — užo pa 3. Praŭda, i vaha apošnich amal udvaja bolšaja.
Firmovy chot-doh z palaŭničaj kaŭbaskaj pradajecca ŭ hatovym vyhladzie za 3 rubli. A voś «Viaskovy» z kaŭbasoj treba źbirać jak kanstruktar: 0,45 rubla za bułačku i 3 — za kaŭbasu.
Kietčup, majanez i harčyca taksama apłačvajucca asobna — kožnaja pazicyja pa 30 kapiejek.
Vyrašajem razhulacca i biarom tuju samuju złatku, chot-doh i bulbianyja aładki ź miasam za 3,5 rubla. Pavodle praviłaŭ, što zachavalisia jašče ź dzievianostych, nijakich pryboraŭ tut niama. Navat adnarazovych, navat kali vielmi paprasić, navat za dadatkovuju płatu.
Złatki zachoŭvajucca na vitrynie ŭ zapiačatanym vyhladzie. Ich adkryvajuć pry naviedvalnikach. Maleńkaja kaštuje 3,3 rubla, vialikaja — 5,8. Taja samaja sasiska pradstaŭlena ŭ śpisie inhredyjentaŭ jak «vienska-frankfurckaja», vyšejšaha hatunku. Kałoryj u pradukcie z takoj miłaj i lohkaj nazvaj niamała: 430 tolki ŭ maleńkaj porcyi.
Paśla pieršaha ŭkusu adrazu stanovicca zrazumieła, što mieŭ na ŭvazie čałaviek, jaki apisvaŭ złatku jak «smak dzievianostych». Zdajecca, lepš i nie skažaš. Jarka adčuvajucca saładkavaty kietčup i draždžavoje ciesta. Heta davoli tłusta i vielmi sytna.
Darečy, śpiecyjalna jechać pa stravu ŭ Viciebsk zusim nie abaviazkova: u zamarožanym vyhladzie złatka dajazdžaje i da niekatorych minskich supiermarkietaŭ.
Narešcie ŭ tych, chto skardziŭsia, što pa krajach jana była piakuča haračaj, a pasiaredzinie — padmarožanaj, źjaviłasia mahčymaść vykarystoŭvać svaje aŭtarskija mietady pryhatavańnia.
Na čarzie chot-doh. Napeŭna, navat chot-dožny samielje nie zmoh by adšukać u im unikalnyja notki. Mahčyma, na smak upłyvała nazva, i raniej jon byŭ inšym. Ale ciapier heta bułačna-kaŭbasnaja baza. Chaciełasia b dadać u chot-doh salony ahuročak, ale takoj opcyi niama.
Dalej — «kałdun», dakładniej bulbianaja aładka ź miasam. Navat nie budziem zazirać u kałaryjnaść, kab nie traŭmavać siabie druhi raz za ranicu. Ale skažam dakładna: u hetaj stravy nadzvyčaj blizkija adnosiny z alejem.
Nastupnaja łakacyja. Hety paviljon raźmieščany ŭ samym centry horada — u pramym sensie słova: z akna adkryvajecca vid na Viciebski amfiteatr. Tut kaštujem smažanku i picu, a zaadno ŭjaŭlajem, što nazirajem za niejkim kancertam, na jaki byŭ poŭny sołd-aŭt za piać chvilin.
— A što ŭ vas biaruć čaściej za ŭsio?
— Oj, u nas usio lubiać. Smažanki dobra iduć, złatki, chot-dohi zaŭsiody.
— A chto čaściej za ŭsio zachodzić?
— Dy chto zaŭhodna! Lepš spytajcie, chto nie zachodzić.
Praź niekalki chvilin da akienca padychodzić dobrazyčlivy miascovy žychar (i ŭsio heta vyhladaje niby pradumanaja teatralnaja scenka).
— A dajcie mnie hety chot-doh z kaŭbasoj, palcam pchanaj.
— «Viaskovy»?
— Nu, jon!
Viartajemsia da svaich straŭ. Toj, chto hatavaŭ picu, vidavočna, sapraŭdny fanat cybuli: jaje smak maksimalna kancentravany. Naŭrad ci italjancy paznali b u hetym kvadracie ciesta adnu z hałoŭnych nacyjanalnych straŭ. Ale ŭsim, chto kaliści sprabavaŭ hatavać picu doma z taho, što znajšłosia ŭ chaładzilniku, hety smak dobra znajomy.
Niečakana hałoŭnym favarytam stanovicca smažanka. Ciesta dobra prapiakłosia, načynki šmat — stavim tłusty va ŭsich sensach łajk. I praz hady «Chutka-Smačna» praciahvaje źbirać vakoł siabie natoŭpy.
U marozny budny dzień — naŭrad ci, a voś u ciopły letni viečar… Kali źbieraciesia na ekskursiju ŭ minułaje, abaviazkova vybirajcie letni siezon. Bieź nienaŭmysnaha padsłuchoŭvańnia razmoŭ u čarzie pahružeńnie ŭ atmaśfieru budzie niapoŭnym.
U Minsku kijoski «Chutka-Smačna» aktyŭna zakryvalisia z 2010 hoda, a apošnija dva źnikli ŭ 2021 hodzie.
Ciapier čytajuć
Cciapan Łatypaŭ treci raz sprabavaŭ ździejśnić suicyd u turmie4
Cciapan Łatypaŭ treci raz sprabavaŭ ździejśnić suicyd u turmie
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary
[Zredahavana]