Zusim novy most cieraz Prypiać pamiž Łuninieckim i Stolinskim rajonami pabudujuć u nastupnym hodzie
Alaksandr Łukašenka padpisaŭ rasparadžeńnie ab budaŭnictvie aŭtamabilnaha mosta praz raku Prypiać u paskoranym i sproščanym paradku, paviedamiła jahonaja pres-słužba. Novy most pavinien źviazać Łuniniecki i Stolinski rajony.
Zaviaršyć budaŭnictva abjekta daručana da 2027 hoda. Hety prajekt razhladajecca jak važny dla raźvićcia transpartnaj infrastruktury Paleśsia i dla palapšeńnia ŭmoŭ žyćcia miascovych žycharoŭ i haściej rehijona.
Ciapier najkaraciejšy šlach pamiž Łunincam i Stolinam składaje kala 46 kiłamietraŭ i prachodzić praz Prypiać z vykarystańniem paromnaj pierapravy. Adnak hetaja pieraprava maje abmiežavańni pa vazie i pamierach transpartu, a taksama zaležyć ad umoŭ nadvorja, što moža stvarać niazručnaści i pierapynki ŭ ruchu.
Alternatyŭnyja maršruty značna daŭžejšyja: praź Pinsk kala 125 kiłamietraŭ i praz Žytkavičy kala 180 kiłamietraŭ. Tamu budaŭnictva mosta pavinna istotna skaracić šlach i zrabić jaho bolš zručnym i nadziejnym.
Čakajecca, što novy most pavinien stać važnaj transpartnaj arteryjaj, jakaja zabiaśpiečyć lepšuju dastupnaść nasielenych punktaŭ, a taksama biaśpiečny i kamfortny ruch dla ŭsich udzielnikaŭ darožnaha ruchu.
Kamientary