Zialenski skazaŭ pra płany Rasii stvaryć u Biełarusi bazu dla zapusku dronaŭ. U Minabarony kažuć, što jaho nie tak zrazumieli
Ukrainskija ŚMI paviedamili sa spasyłkaj na słovy prezidenta Ukrainy Uładzimira Zialenskaha ŭ interpretacyi časopisa Forbes pra nibyta płany Rasii stvaryć u Biełarusi bazy dla zapusku dalnabojnych dronaŭ, jakija mahli b pavialičyć pahrozu dla Ukrainy. Ale ŭ Ministerstvie abarony Ukrainy zajaŭlajuć, što prezidenta nie tak zrazumieli, piša «RBK-Ukraina».
Paśla słoŭ Zialenskaha ŭ ŚMI źjavilisia zajavy, što ataki na Ukrainu mohuć stać čaściejšymi i bolš niebiaśpiečnymi, bo adlehłaść da Kijeva z terytoryi Biełarusi nievialikaja i heta ŭskładniaje pracu ŭkrainskaj SPA. Taksama zhadvałasia, što havorka moža iści pra stvareńnie niekalkich punktaŭ kiravańnia dronami i navat pra raźmiaščeńnie sučasnych rakiet u Biełarusi.
Adnak daradca ministra abarony Ukrainy Siarhiej «Fłeš» Biaskrestnaŭ zajaviŭ, što ŚMI pierakrucili infarmacyju. Pavodle jaho słoŭ, žurnalisty niapravilna pieradajuć słovy prezidenta Ukrainy.
Jon padkreśliŭ, što jamu ničoha nieviadoma pra budaŭnictva mienavita baz dla zapusku «Šachiedaŭ» ź Biełarusi, i nazvaŭ takija paviedamleńni pierabolšańniem, jakoje stvaraje psichałahičny cisk na ludziej.
Biaskrestnaŭ rastłumačyŭ, što Zialenski havaryŭ nie pra bazy zapusku, a pra punkty kiravańnia dronami, jakija ŭžo isnavali i jakija Ukraina źniščyła. Pa jaho słovach, aŭtary artykułaŭ pamyłkova nazvali hetyja anteny «bazami dalokaha dziejańnia».
Raniej ukrainskija śpiecyjalisty doŭhi čas nazirali za dziejańniami rasijskich apierataraŭ dronaŭ i sabrali dokazy vykarystańnia terytoryi Biełarusi dla napadaŭ. Uładzimir Zialenski namiakaŭ, što Ukraina źniščyła takija punkty kiravańnia i, mahčyma, praduchiliła ich adnaŭleńnie.
Rasija źbirajecca pastavić u Biełarusi čatyry stancyi kiravańnia dalnabojnymi dronami
Ukraina likvidavała sietku, jakaja dapamahała zalatać «Šachiedam» ź Biełarusi
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi
Ukrainskija chakiery vyśvietlili, jak apieratary rasijskich dronaŭ vykarystoŭvajuć Biełaruś
«Biełaruś nielha stračvać dla Jeŭropy, ale hetu asobu stracić dakładna varta». Zialenski patłumačyŭ, čamu ŭvioŭ sankcyi suprać Łukašenki
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury5
Kamientary
Biez papierki jen i ni toje vydaje
Vydał pa Orbanie " 90 młrd dapamohi Ukrainie" na paŭzie
Suprać Biełarusi biełarusach u jaho uvieś " ofis " pracuje ....6 hod zapar ź nievialikimi pierapynkami)))
Ale Miša Padalak prapisany to u Łatyninaj to u ińšych " ruskich" dobrych ci nie dobrych jak potym ..akazvajecca ))) i šmat ińšych ☆ ukraińskaha jutuba ))) i u ruska havaraščych śmi Israila )))